La Usc di Ladins

En mertesc, ai 27 de ma é rová adöm i assoziá por la sentada generala da d’aisciöda dla Cooperativa Turistica Alta Badia (CTAB). La pröma sen­tada dl 2025 s’á desfiré a La Ila tl salf dla Ciasa dla Cultura, olache al é gnü tut l’ocajiun da presenté les novités dla sajun da d’isté, aprové le bilanz dl 2024 y ciaré deboriada devers dles Olimpiades 2026, che n’é nia plü tan dalunc.

»Scebëgn che al vëgn baié tröp di jüc olimpics, sán ciamó püch«, á dit le presidënt Christian Pescoll­derungg, denanche passé al intervënt sön les Olimpiades. Chësc é ince ci che á porté i colaboradus dla CTAB a invié ite ala sentada i mëmbri dl Comité provinzial por les Olimpiades y Paralimpiades Cecilia Miribung y Thomas Fill, che á porté dant n valgönes informaziuns sön ci che é preodü por la localité de Antholz y ci che al é da se aspeté sciöche vala­ da vijina.


Deplü da lí ciafëise tla ediziun nöia da incö, vëndres ai 13 de jügn!