La Usc di Ladins

En domenia ai 12 de otober i giaves de Soraga à podù se binar duc ensema per passar na bela giornada en alegria. Se à scomenzà con la messa grana dita da don Bruno Daprà che à abù segur de bele parole per noscia jent de età: »Siede n patrimonie da valorisar e na gran ressorsa per noscia comunità«, recordan ence chi chi é malé e chi che no l é più chiò con noi.
La festa dal mesdì la é jita inant aló dal hotel Latemar olache l é stat sport na bona marena con na beliscima e autertant bona torta. Te anter i desvalives descorsc se à volù, en maniera particolara, ge far n gran batiman a chi più de età: don Erminio e soa sor Margherita.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.



 (Manuela del Baila)