La Usc di Ladins

Del 2013, do 20 egn de presidenza fascèna con Alfredo Weiss, l temon de Marcialonga ge vegnia metù te man a Angelo Corradini. Ades, do 12 egn, la gran competizion sportiva che dai schi se à slarià fora a la corsa e a la roda, à mudà president: Corradini ge à passà l testamonech a Tiziano Romito. L nef president l é da Pardac, l é comerzialist e dal 1987 consulent de Marcialonga.
Romito portarà dant sia encèria adum col Consei de Aministrazion, ence chest giusta renovà, che tol ite doi vizepresidenc, Giuseppe Ferrandi e l fascian Diego Salvador e amò Giancarlo Ramus, Giorgio Mazzel, Anna Facchini, Marino Sbetta, Enzo Macor e Paolo Dellantonio.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.



 (LG)