La Usc di Ladins

L’ona dl rock é rovada adalerch da­nü, portan sön palch dlungia i »gragn toc dl rock« ince cianties cun sfoma­döres pop, sperimentales y alterna­tives. Le program á pité varieté tres n repertore rich y ambizius, pian ia dal rock, passan por le pop y rovan cina al metal plü melodich. 
Le »Soundwave Project« 2025 á rapresenté na tapa nöia por le grup de jogn musizisć dla Val Badia, che s’á esibí te trëi sëres, dai 4 ai 7 de setëmber sön paladina dla Ciasa dla Cultura a La Ila.

Le proiet é chersciü y á porté dant na bela paleta musicala, alzan fora les cualités dl stil rock y süa flessi­bilité. Les novités n’á nia mancé pro chësta cuarta ediziun dl proiet, che á n iade implü alzé fora talënt y pasciun, spizorá da gran impëgn. Chësc á acompagné le gran grup dl »Soundwave« – che röia daimpró ai 40 volontars, danter musicisć amaturs, tecnics y le team organisatif – fora por chisc dui agn de preparaziun.

»Chësta ediziun é jüda dër bun y l’orchestra á dër plajü. Por nos él sté valgamia n esperimënt che nes á tigní sön les spines cina ales proes generales«, cunta le batarist Gustav Mangutsch.



Deplü da lí sön la cuarta ediziun dl »Soundwave Project«, ciafëise da lí tla ediziun nöia da incö, vëndres ai 19 de setëmber!