La Usc di Ladins

Te döes sëres é rové adöm n grup de jogn dla Val Badia por porté dant te na mësa torona chestiuns liades ala jonëza. Nasciüda dala colabora­ziun danter le Museum Ladin Ciastel de Tor y l’Istitut Ladin Micurá de Rü, á la scomenciadia invié ite i mëmbri dl grup musical rap C.O.P– Cooperaziun Planta –, la scrituria y publizista Lucia Piccolruaz y l’ilu­stradëssa Silvia Baccanti, a tó pert a na discusciun dedicada al sentimënt de portignënza, ales dificoltés y ales problematiches liades ala jonëza. Cun la moderaziun de Nadia Moling, colaboradëssa dl MusLa, él gnü baié danter jogn de esperiënzes de vita personales y de vijiuns dl dagní.

I jogn s’á baraté fora ince sön n livel creatif, portan dant tres l’espre­sciun musicala, artistica y leterara i percursc personai che ai á fat tl’archirida dl significat de parores sciöche »identité«, »portignënza« y dl sentimënt dl »daciasa«.


Deplü da lí ciafëise tla ediziun nöia de vëndres, ai 19 de setëmber!