La Usc di Ladins

Cun la sajun da d’isté röia a piz ince la pröma fasa de sperimentaziun dl sistem nü de prenotaziun y paia­mënt, scomenciada cun i 28 de messé (La Usc di Ladins á scrit). Por le pröm iade él sté iniann da se aposté danfora la plaza da parché tles localités de Fornacia, Spëscia, Ramëi, Ciavaza, Ciornadú, Fonta­nela, Tolpëi y Runch/Biëi.
Sce an orô lascé l’auto en regola tles plazes preodüdes êl da anuzé le sistem online, che preodô la prenotaziun y le paiamënt dles plazes ciamó denanche rové pro la plaza o almanco denanche lascé l’auto y pié a pe sö por munt. Le sistem nü, che le comun da La Val á tut la dezijiun da surantó por na miú regolaziun dl trafich y di posć sön les ot plazes, presentâ n’alternativa digitala, asvelta y cun cosć manco alc por le sorvisc. 
Scebëgn che tl pröm momënt â la presentaziun dl sistem descedé val’ malcontënt dla comunité, vë­gnera sëgn da ciaré derevers ala pröma fasa de anuzamënt dl sistem, che á, sciöche vigni fasa de transiziun, porté alalöm dlungia val’ impe­dimënt, ince i pröms vantaji.

De sciöche ara á buté chësta pröma sajun cun le sistem nü nes á cunté le vizeombolt Felix Dapoz, che ti é sté do ala chestiun. 

La Usc Cun i 28 de messé él jü en funziun le sistem de paiamënt nü: co éra pa jüda chësta pröma fasa?


(Vizeombolt Felix Dapoz) »Tl pröm momënt él sté val’ problematica tecnica. Al ne s’é nia garaté da informé la jënt sciöche i se l’esson impensé. ...


Liede inant tla ediziun nöia de vëndres, ai 19 de setëmber!