La Usc di Ladins

Aldedaincö nes pêl a düc normal: sce al verd inzano, sce al é n inzidënt sön strada, sce al vëgn jö roes o sce al toma peres o rames te strada, bastel to ca le telefon y cherdé i stödafüch. Chi vëgn da vigni tëmp y da vigni ora y fej n sorvisc esemplar che n’é nia plü da ponsé demez. Vigni paisc dla Val Badia á so corp de stödafüch, arjigné da salté ite canche ara ó ester. Insciö ince le pice paisc d’Antermëia, che á un di corps de stödafüch plü jogn dla valada. Indere ési ince ëi oramai rová a 50 ciandëres – n iubilé che an n’orô nia ma lascé passé ia insciö. Gran festa él porchël gnü fat ai 21 de setëmber, na domënia de pröm altonn bajada dal plü bel tëmp. Na ocajiun por rengrazié y ince por onoré, olache al é ince gnü nominé n mëmber d’onur nü. Lapró án orü recordé ince i 20 agn de amizizia suraconfin, danter i Stödafüch d’Antermëia y chi da St. Anton am Arlberg, che ê presënc ala festa cun 23 omi. 

Deplü podëise lí y odëi t’La Usc di Ladins di 10 de otober  (pablo)