La Usc di Ladins

Dò esser pontà demez con l percors universitèr en giurisprudenza del 2007 e se aer laureà de mèrz del 2013 con na tesi sui Ladins de la trei provinzies de Trent, Busan e Belun, l’à dezidù de se enscinuèr al Conservatorie Claudio Monteverdi de Busan per studièr orghen e musega sacra. Dò se aer diplomà desche maester organist del 2015, per presciapech n an e mez l’à fat n tirocinie tel Tribunal de Busan con na giudize de la sezion zivila e n giudize de la sezion penala, arjonjan del 2019 l titol de avocat. Ades l laora tel studie legal del senator Meinhard Durnwalder.
L ciamp de enteress de Andy l’é l derit zivil, chel che revèrda i raporc anter privac te desvalives setores, desche ti contrac, la obligazions, la persones e la families, la responsabilità zivila. Vèlch outa l'à ence abù l’ocajion de se cruzièr de derit aministratif e penal.
Te chesta rubrica Andy Rossi ne rejonarà de argomenc de atualità, utoi, curiousc e fora de anter per ne didèr a fèr fora costions de derit a cheles che podassane ruèr a ge fèr front te noscia vita.