L prum apuntament dedicà a la 15^ edizion del ‘Sellaronda Bike Day’, stat ai 27 de jugn, l’é stat n suzes. Na giornèda de pien soreie à engaissà i passa 400 bikers che con sia rodes é jic su per i jouves de la valèdes ladines se godan al miec pèsc, natura e ambient. Jent soraldut da la Tèlia ma valgugn ence da l’Austria e dai Paijes Todesc.
Con autertant entusiasm, descheche l’era stat emprometù, vegn proponet ence la seconda giornèda, en calandèr en sabeda ai 18 de setember. Da les 8.30 a les 15.30 i jouves de Sela, Pordoi, Ciaulonch e Frea, en dut 53 chilometres e 1.637 metres de dislivel, vegn seré al trafich e pel passèr demò chi che va con la rodes.
L’é na ocajion per se n jir zenza prescia su per i jouves, mirèr l spetacol di monc enlongia ju, beleche da poder tocèr con la man, e la belezes de la natura zenza ac, tessech e bordel.
De più su La Usc stampèda de vedner ai 10 de setember.
(Monica Cigolla)
