Poder aer azes a corsc universitères en prejenza te noscia valèdes l é dalbon na gran oportunità. L é stat dit enstadì ja Pardac da referenc e ensegnanc de l’Università de Trent, ma ence da studentes che à jà podù fèr personalmenter chesta esperienza.
En vender ai 24 de jugn tel Istitut La Rosa Bianca l é stat endrezà na scontrèda apontin per ge fèr cognoscer a la persones de la valèdes de Fiem e Fascia chesta ocajion, nasciuda da n desch de lurier metù su per volontà di aministradores de Comuns, Comunità de Val de Fiem e Comun General de Fascia, col obietif de sporjer oportunità formatives sul teritorie.
Chesta scontrèda de prejentazion é stata metuda a jir per informèr duta la comunanza de chesta oportunità che – descheche à recordà ence una de la studentes – la é dalbon preziousa per chi che laora e che vel smaorèr sia competenzes, ence se oramai i à arbandonà i libres da n trat.
L test per poder se scriver ite defat l é en program de messèl e l é benfat se arcedèr a fèr la proes TOLC-E sul sit CISIA. Se pel troèr la informazion sul sit tolc.cisiaonline.it o sul sit de Unitn.
De più su La Usc stampèda de vender prum de messèl. (LG)
L’Università te noscia valèdes
Prejentà a Pardac l Cors de laurea trienala en Gestion de azienda per studenc che laora. De messèl l test de amiscion.
Galaria retrac
View the embedded image gallery online at:
https://www.lausc.it/atualite/20097-l-universita-te-noscia-valedes#sigProId8c14bc6c3b
https://www.lausc.it/atualite/20097-l-universita-te-noscia-valedes#sigProId8c14bc6c3b