La Usc di Ladins

Chisc dis é les temperatöres, dantadöt tles cités, lorëntes. Balsan é öna dles cités plü cialdes dla Talia, mo ince te nüsc paisc sënton la gran ona de cialt african. Sön la plata internet dla Aziënda Sanitara á le primar de cardiologia Rainer Oberhollenzer partí fora n valgügn consëis por se sconé, deache le gran cialt pó avëi conseguënzes sön la sanité. Presciun bassa, me de ce, stome, ciurnités, stanchëza é n valgügn sintoms che al pó gaujé. A patí él dantadöt les porsones plü debles, jënt atempada y pici mituns. Mo ince jogn y jones dess mëte averda y respeté chisc valgügn consëis, aspetan che al vëgnes - an spera tosc - plü frësch: evité da jí a fá ativités o sport alaleria tratan les ores plü cialdes, bëre tröpa ega, se curí jö le ce cun n ciapel o n fazorel y mangé spëisa lisiera, en particolar ordöra y verzöra.  (kp)