La Usc di Ladins

»Surplus« l é l tem cernù per la 5^ edizion del Simposie Toni Gross: l é na parola latina, cognosciuda a livel internazionèl, ma per entener amò miec l’intenzion apede l é ence la forma ladina »de massa«, referida a dut chel che anchecondì aon entorn e che no servissa, a chel che se cogn tor demez zipian per fèr vegnir fora na opera d’èrt, a chel che se podessa fèr con pech.

I organisadores del Simposie l é semper i medemi: Union di Ladins de Fascia, Comun de Sèn Jan (enlouta en realtà Comun de Poza) e Scola Ladina de Fascia, trei istituzions che del 2012, aea metù a jir per la pruma outa l event artistich en recort del zipiador e alpinist Toni Gross da Poza, stat ence ensegnant e diretor de l'Istitut d’Èrt de Fascia. 

Con la direzion artistica de Pierangelo Giacomuzzi, chest an l Simposie vel proèr a mudèr e sperimentèr e l à pissà de meter ensema doi esprescions artistiches desferentes, lean l lurier col legn e la musega. Zipiadores e artisć che crea musega e strumenc se metarà a la proa luran en cobia dai 12 ai 16 de setember a l’averta tel paisc de Poza per chierir ensema de trèr fora dal legn formes e sons.

De più su La Usc stampèda de vender ai 26 de aost.  (lg)