Valütes virtuales, NFT y le comportamënt tl monn fiscal

Data

24 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’aumënt dl interes da anuzé valütes virtuales y NFT se ghira na resposta ala domanda importanta: "Co desson pa se comproté tl caje de cumpra, posses o venüda"
Le monn virtual porta cun se n gröm de ocajiuns, domandes y risć. Insciö él ince cun les valütes virtuales y NFT (ing.: "Non Fungible Token"). Chëstes pón definí sciöche Token, che pó ester "fungibli" (da podëi baraté) o "nia fungibli" (da ne podëi nia baraté). Token fungibli é valütes, che á le medemo valur l’öna cun l’atra, sciöche p. ej. na monëda da n Euro vel tan che n’atra monëda da n Euro. 

Dl ater vers é n Token nia fungibl, ince dit NFT, unich y á n valur desferënt un cun l’ater. Le valur de chisc, atramënter sciöche dales valütes virtuales, vëgn definí dal comerziant, ince dit artist, y depënn, sciöche pro n’opera d’ert, dala reputaziun dl artist y dal interes dl cumpradú. La carateristica prinzipala di NFT é, porchël, la rarité, che vëgn garantida cun “smart contracts”, che i zertifichëia al cumpradú la unizité dl produt. Chisc contrac vëgn registrá tla “blockchain”, che é n "database" olache al vëgn memorisé na proa che testemoniëia la transaziun. La cumpra di NFT pó ma gní fata cun monëdes virtuales sön valgügn marciá online ("Marketplace"). Sön chisc, pon se ciafé comerzianc zertificá y ince nia zertificá, porchël pó l’investimënt ester dër riscant.

Liéde do deplü tla rubrica metüda adöm da Philip Mokling dl Stüde Verginer – SeVe por l’ediziun atuala de La Usc di Ladins!