La Usc di Ladins

L é 150.000 euro a la leta e i é cec da 15 egn. L é n patrimonie che 4 enc fondadores e dapò amò na cincantina de autra istituzions, aministrazion, sociazions e persones enteressèdes al lengaz ladin à concostà dal 1992 en ca con donazions destinèdes a sostegnir studies e enrescides linguistiches e a onorèr l linguist Luigi Heilmann, professor de l’Università de Bologna e sentadin de onor de Moena, stat per passa 10 egn (fin al 1988, canche l é mort) president de la Comiscion Culturala del Istitut Cultural Ladin ‘majon di fascegn’ e diretor de la revista ‘Mondo Ladino’.

L zil de la Sociazion Studies e Enrescides Luigi Heilmann, metuda su te egn che i investimenc bancaries dajea bon frut e che la cultura e l lengaz ladin no podea fèr cont sun gran desponibilità finanzièla e de strutures, l era chel de desfrutèr i enteresc del patrimonie per engaissèr i joegn a se dèr ju coi studies sul ladin finanzian projec de enrescida. Per n muie de egn la é jita inant belebon dapò dut se à ferà, ma ades fosc l é la outa bona che l é stat troà na soluzion.


De più su La Usc stampèda de vender ai 26 de mé.  (Lucia Gross)