La Usc di Ladins

Vito Zingerle é sté dal 2005 al 2017 (novëmber) diretur dl Museum dl Natöra a Balsan, denanco gní cun dezëmber 2017 diretur dla Repartiziun provinziala por l’inovaziun, inrescida y université y Museums.
Gran é sté so contribut tl ciamp dla inrescida y documentaziun dla fauna y flora tla Val Badia, tres indô ál acompagné les jites tla contrada y natöra de nüsc raiuns dla Comunanza Ladina da Balsan.
Vito Zingerle â fat dl 1999 le dotorat de sciënzes naturales tl’Université de Desproch, do se avëi laureé dl 1996 te zoologia y dl 1997 te ecologia al’Université da Desproch. Dl 1998 ál podü pié do le "Research Award dla Österreichische Entomologische Gesellschaft ÖEG".

Ince por la stampa ladina y les publicaziuns ladines é sté Vito Zingerle n referimënt ütl y important, so savëi scientifich ará sëgn tröpa jënt mancia.

Vito lascia zoruch süa familia tl dolur y tl incherscimun.

Che te pois palsé tla pesc eterna, Vito!