Lites per l Südtirol y l Trentin

Data

18 de otober 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En domenia ai 22 de otober 2023 é les zitadines y i zitadins dles does provinzies cherdés a les urnes per renové l consei provinzial relatif y l consei regional deberieda. Tl Südtirol é i locai de litazion daverc da les 7:00 da doman a les 21:00 – atira do végnel cumpedé fora i resultac, tratant che tl Trentin litéion da les 7:00 da doman a les 22:00 – cumpedé fora végnel chilò l di do. Daldut desferentes é les zedoles litales anter les does provinzies, desferenc é i sistems litai
L Südtirol y l Trentin á sciche Provinzies autonomes n gran podei legislatif y aministratif. Basta pensé a la autonomia finanziara che les does provinzies à. Chi che sourantol inant chesta responsabelté vegniral fat fora en chesta doemenia, ai 22 d’otober 2023, canche al vegnirà lité l Consei nuef dla Provinzia autonoma da Bulsan, che sarà spo en ciaria – sce nia ne sceca – ti proscims cinch agn. 35 é i consiadours y les consiadoures a Bulsan resp. a Trent, i doi conseis provinziai met si presidenc y la jonta provinziala. Plu persones che và a lité, maioura che la legitimité dl laour dl Consei provinzial é.

Südtirol: Co végnel pa lité?

L dert da lité à duc i zitadins y dutes les zitadines che à arjont i 18 agn ai 22 d’otober 2023. D’autres condizions é l’iscrizion tles listes litales y na residenza de almanco cater agn endolauter tla Region Trentin–Südtirol ai 23 d’agost 2023 con residenza dantadut tl Südtirol.

Orars y post
Lité végnel da les 7:00 da les 21:00 tla sezion litala deda dant sun la cherta litala. I:Les litadours:es che viv foradecà dà ju sia ousc tres corispondenza dant la doemnia ofiziala dla lita.

La zedola litala
Tl Südtirol ciafa vigni litadour:a la zedola litala con i simboi dles listes y pro vigni simbol cater risses per dé ju preferenzes. Per podei lité prejentéion la cherta de lita y n document d’identificazion. Chi che n’à deguna cherta de lita o à la sia rovineda o plena, pò pié do tl ofize lital de comun n duplicat o na zertificazion sostitutiva. Per chest fin é i ofizes litai de comun daverc ai 20 y ai 21 de otober da les 9:00 a les 18:00, y ai 22 de otober da les 7:00 a les 21:00.

Co végnel pa lité tl Südtirol?
An dà ju la ousc fajan na crousc sun l segn de lista che an chier fora sun la zedola litala. Tles risses che é dlongia l simbol (endut cater) él la poscibelté da dé preferenzes (da una a cater). Da scrì él l inom dl:a candidat:a (l numer ne vel nia plu). Les preferenzes ti dàn a les persones che resulteia ester candidates sun la lista che an à segné.

Informazions
La Provinzia de Bulsan informeia sun l sit litesprovinziales. provinzia.bz.it

Galaria retrac

View the embedded image gallery online at:
https://www.lausc.it/atualite/25301-lites-per-l-suedtirol-y-l-trentin#sigProId1be20423b0
Derevers su insom