La Usc di Ladins

Pinsiers metüs adöm te n fol, liá adöm da n fi cöce che se desfira zënza i archité sö o i controlé. Sciöche canche an vá cun la ferata y an lascia lëde nosc ponsé tratan che le paesaje se desfanta, ciaran da finestra fora. Pinsiers sciöche canche an se descëda fora do n some intravaié y an proa da arcuncé ia les imajes y les parores. Insciö vëgnel descrit le toch "Morvëies", porté dant por le pröm iade sön paladina a La Ila y da odëi ciamó en mercui ai 29 de ma dales 20:00 tla Cësa de cultura "Luis Trenker" a Urtijëi y en vëndres al 31 de ma dales 20:00 tl Stadttheater da Bornech. L’entrada é debann.
"Morvëies" é n Community Theatre che fej pert dl proiet Phōnē. Na parora che á ringhiní plü iadi ti ultims mëisc; n proiet che ti dá usc ai lingac de grups minoritars, por lascé aldí la pluralité culturala europeica, fondamentala por remblé cuntra i movimënc nazionalistics. Dlungia chëra ladina, tol pert 7 d’atres comunités che á scrit y che porta sön paladina süa realté culturala, che pó valëi ince por d’atri posć y d’atres cultures. (Lucia Piccolruaz)

Deplü ciafëise t’La Usc di Ladins dl 31 de ma