La Usc di Ladins

L teater dal titol »L’Opzione. Propaganda e libera coscienza, la storia emblematica di una comunità« l é stat portà dant la pruma outa a Badia ai 18 de november e dapò a Cianacei ai 19, vin Ampez ai 24, a Reba ai 25 e l’ultima raprejentazion é stata metuda en program en mercol ai 26 a Ortijei.
Dut l é nasciù dal liber de Luciana Palla, che del 2000 con l Museo Storich de Trent e la Union Ladins Fodom l’à dat fora l liber »Opzioni. Guerra e resistenza nelle valli ladine«. Con chesta publicazion la storica fodoma à fat cognoscer una de la piates de storia più pesoches per la comunità ladina tel secol passà, chela de la opzions, travers n diarie che l maester Fortunato Favai, cognosciù te Fodom desche Nato Mone da Ornela, l à scrit te 28 codejie, dì per dì, anter l 1939 e l 1945. Chest diarie ne à lascià na testimonianza preziousa de chel temp olache la jent ladina à cognù cerner se restèr te sia valèdes a padir fam e meseria o se n jir te la Germania, lascian sia tera e sia jent, renunzian a sia identità per jir do l ensomech de na vita miora.

Se pel lejer i articoi su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Giulia Tasser/Lucia Gross)