La US La Val destöda 50 ciandëres

Data

03 de november 2021

Galaria retrac

Grandeza scritura

Social

La Uniun dl Sport da La Val á complí mez secul de vita. Do che an á messü sburlé la festa preodüda de setëmber, é le iubileum gnü festejé la domënia passada, cun aodanzes, onoranzes, la presentaziun de n film y la premiaziun de n concurs

Le sport fej tigní adöm, lascia nasce y crësce amizizies, insëgna valurs y fej bun a anima y corp. Les uniuns dal sport é scores de vita, da pici insö y á porchël n gran pëis tla vita soziala de vigni paisc che á la fortüna da avëi na te’ assoziaziun.
Öna de chëstes é ince la Uniun dl Sport da La Val, che pó en chësc ann ciaré zoruch a 50 agn de ativité. Te chësc ultim mez secul él gnü fat y arjunt dër tröp de chësc vers y al é sté tresfora porsones che s’á identifiché te chisc valurs. Cotan de porsones á lauré cun idealism, impëgn y dediziun por tröc agn alalungia y á contribuí cun so sorvisc al bëgn de döta la comunité. La festa de 50 agn é gnüda spostada ala fin de otober, por gaujes liades ala pandemia, do che al ê ala fin de setëmber rot for a La Val cotan de caji positifs al virus. Contënc de avëi podü organisé le iubileum, á i funzionars dl’Uniun podü i dé le bëgngnü a na bela cumpëda de jënt, danter sogadus, autorités, familiars y simpatisanc. Chisc á podü se sté saurí sot la gran tënda scialdada, metüda sö aposta por l’ocajiun.

I ves pitun chiló valgönes impresciuns fotografiches. Deplü sön la festa ciafëise t’La Usc di Ladins di 5 de novëmber
Les fotografies é gnüdes metüdes a desposiziun dala US La Val