La Usc di Ladins

Soghé, s’la spaziré, passé n bel tëmp deboriada... Chisc é ma trëi aspec che caraterisëia la "Sternfahrt" dl Alpenverein Südtirol – na incuntada che vëgn a s’al dé ann por ann te n ater post. I ultimi iadi éra baldi tomada fora por gauja dla pandemia. Insciö ince l’ann passé, canche ara foss stada söl program a Lungiarü. Iniann ai 12 de jügn ésera finalmënter stada tan inant y dopró mësson dí che al á paié la mëia da aspeté. Sot a n cil bel bröm y temperatöres da sté saurí á le paisc dl alpinist podü ti dé le bëgngnü a passa 300 porsones. Al é rové alerch gragn y pici da vigni ciantun dla provinzia, che á podü se gode n program rich de movimënt, cultura, tradiziun y devertimënt.
"Mantigní nosc tesur naturalistich" ê le motto dla gran incuntada, organisada dai referac dl AVS "Jogn y familia" y "Natöra y ambiënt", deboriada cun le grup jonil dla Lia da Munt Ladinia, le grup de laur dl Paisc dl alpinist Lungiarü y i colaboradus dla Ciasa dl Parch Fanes – Senes - Braies.

Deplü sön la "Sternfahrt", le program y la sodesfaziun di organisadus podëise lí t’La Usc di Ladins di 24 de jügn. Chiló ves pitunse n iade valgünes impresciuns fotografiches, metüdes a desposiziun dal AVS – Alpenverein Südtirol  (pablo)