De segur l é sté na azion che à descedé la discuscion dntourn al referendum e l'é stada bona de sburlé la Consulta Ladina (a firma dei trei comuns e de le trei union ladine) a na touta de posizion ufiziala publicada ntei folgi. Sun sue motivazion contra la scomenciadiva dei scizer vignude fora ence sul Amico del Popolo ai 12 de jugn sot al titol »I ladini contro gli Schützen« volësse fè envalgune riflescion con laprò envalgune dománde. Emprumadedut volësse savei ci »gragn resultac« che i é stei arjonc »da pert de le mendrànze etnico-linguistiche«.
Fin a ennier propio le union ladine i à tres auzé fora che la mendranza ladina dei trei comuns
View the embedded image gallery online at:
https://www.lausc.it/letres/12884-scizeri-e-liberte-de-pensier#sigProId63b1760f31
https://www.lausc.it/letres/12884-scizeri-e-liberte-de-pensier#sigProId63b1760f31
Nia da capì spo se encuoi i descor de »gragn resultac da pert de le mendranze« A chësta moda la Consulta Ladina la porta iega al molin de chi che s'à tres paré contra la riunificazion de la Ladinia. L é sci dërt descore co le istituzion, ma encandenò se mossa rué ence a na conclujion. Speté 13 agn per realisé n proget, me sa massa lonch.
Vol dì che no
View the embedded image gallery online at:
https://www.lausc.it/letres/12884-scizeri-e-liberte-de-pensier#sigProId63b1760f31
https://www.lausc.it/letres/12884-scizeri-e-liberte-de-pensier#sigProId63b1760f31
La popolazion l'é ncora ilò a speté tánche Zaia ntel 2019 l à dit »Veneti presi in giro«.
L à bu rejon. E mi njonte pro: »presi in giro anche i ladini«.
Dit chëst: Ulà ele le »forme de autonomia e autogoviern de chëst paisc« menzionade nte la lëtra de la Consulta Ladina?
Per ci che auda l'Autonomia de Südtirol, ence chësta veduda da la Consulta Ladina coche »gran resultat recugniscù da la Costituzion de la Republica taliana per merit de n gran laur de conciliazion e mediazion« volësse demè recordé le grane bataie che à mossù combate Südtirol per ciapé chësta autonomia. A pié via da la gran scomenciadiva de protesta sun ciastel Sigmundskron ntel 1957 con 35.000 persone che à protesté contra la politica taliana.
La cuestion de Südtirol l'é ruada finamei davánt l'ascemblea general del Onu.
El laur de conciliazion l é sté, se propio, el resultat de chëste batalie. Se Südtirol l assa bu coche interlocutor demè l Stato talian el no n assa ciapé chëla autonomia che l à encuoi e sourafora l assa perdù ence pert de sua cultura e de suo lengaz. No pos capì l argoment che »le strumentalisazion de argomenc de gran valour sozio-politico e storich-cultural, le risćia demè de creé divijion e aumenté l contrast nánter la sozieté«.
Se l'é
View the embedded image gallery online at:
https://www.lausc.it/letres/12884-scizeri-e-liberte-de-pensier#sigProId63b1760f31
https://www.lausc.it/letres/12884-scizeri-e-liberte-de-pensier#sigProId63b1760f31
Enveze encuoi, contra i scizer, le Union ladine le tol ca propio chël argoment.
Mi dighe enveze: la jent, che siebe privac o sociazion, nte na democrazia la mossa avei l dërt de auzé fora cuestion che damana na soluzion. En ultima. La cuestion de mudé i confins nazionai la no n é na novité e no n descor nia demé i scizer.
Co elo defati da enterpreté el sondagio online del 2014 ntel Veneto ulache plu de 2 milions de persone i eva per l'indipendenza veneta?
Cotánc de fodomi e ampezagn, ence raprejentanc de comuns e lie, ali tout pert a chël sondagio e i à dit de volei n Veneto indipendent? Ence ladavò n sondagio de Demos plu
del 50% dei veneti i eva per l'indipendenza.
Ali dé contra al stato talian ence lori o elo sté n'esprescion de n libero pensier? Onse podù se speté che, sebenche la Consulta Ladina la no condivide la moda de fé dei scizer, che almánco i sostegne el contignù de sue sacrosciánte revendicazion. Enveze nia. I scizeri i sarà n'associazion che no ie plesc nia a duc; ma almánco i resta sun sua linia e i desmostra credibilité. Siere ju co n'ultima domanda.
Davò avei descorëst co le istituzion taliane per 13 agn alalongia ci elo sté arjont de concret e a ci pont elo rué l iter del pasagio de Region? (Ivan Lezuo)