La Usc di Ladins

Zacan l Fascia Balon se vadagna i 3 ponc. La squadra de mister Capovilla la é jita ence en domenia passada te la Val de Non, e chesta uta la é jita miec per i ladins, enceben che la endesfida contra l TNT Monte Peller no la sie scomenzada dalvers per i fascegn, che do n menut de jech i é jic sot de n gol, do na trata da fora de l’area di nonejes fenida tedò le spale de Nicolò Cincelli de Zul
Na venta che ge dasc moral ai bec de president Trottner, che en mercol ai 15 i à jià ence l derby contra l Fiem al Cotura, e la partida é fenida 1 a 1. En domenia ai 19 i jirà enveze a Albian, olache da mese le 4 domesdì i jiarà contra l Porfido Albiano.

Su La Usc nr 40 dai 17 de otober se pel lejer la cronaca de la partida de domenia con la classifica e i resultac de la squadres mendres. La Usc la é ence te la boteighes de sfoes e sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.  (Pierpaolo Rasom)