La Usc di Ladins

Dotours
Dutor Gherdëina
L dutor de servisc da n sada ai 25.03. dala 08:00 daduman nchin la 08:00 daduman de n lunesc ai 27.03. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc tla fin dl’edema di 25 y 26 de merz, ti comuns de Badia, Corvara y La Val, é le dotur Martin Spechtenhauser, La Ila, tel. 0471 844200. Ti comuns de Mareo y San Martin él en sorvisc ai 25 de merz la doturia Stefania Febbraro, Al Plan de Mareo, tel. 377 3288595; ai 26 de merz él en sorvisc la doturia Margarete Mahl­knecht, La Val, tel. 349 0667024 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.03. nchin n vënderdi ai 31.03. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 24 de merz dales 19:00 al vëndres al 31 de merz ales 19:00, é chëra d’Al Plan, tel. 0474 501240.

Avisc
Atualmënter
Iscriziuns ala scora de musiga por l’ann ann de scora 2023/2024 – online
Les scores de musiga todësces y ladines deura les iscriziuns por le proscim ann de scora dal 01.03. ai 31.03.2023. Les iscriziuns vëgn fates ince chësc ann online, tres le sorvisc dl’aministraziun provinziala »myCivis« https://civis.bz.it/einschreibung-musikschule. L’azes al sorvisc vá tres SPID, CIE (cherta d’identité eletro­nica) o cun la Cherta di sorvisc ativada. Infos sön www.musikschule.it .
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Jeghes da n’outa te Museo de Fascia
La Majon di Fascegn endreza n projet sui jeghes da zacan. Duc chi che à jeghes da n’outa de ogn e sort, o ence retrac o recorc che pel didèr a meter ensema i toc de chesta storia maraveousa, i é envié a chia­mèr ite l Museo Ladin al numer 0462 760182.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
Scontrèdes de la careisema
Insnet vender ai 24 de mèrz da les 18:00 te gejia de Sèn Nicolò a Poza e en sabeda ai 25 da les 20:00 te Pieif de Sèn Jan orazion per la voca­zions tel 65° cedean da preve de don Erminio. A i 30 da les 20:30 te gejia de Sèn Lorenz a Pera don Mattia Vanzo rejonarà de »Sacro­sanctum Concilium. La Costi­tuzione sulla sacra liturgia.«
25.03.
Scontrèda con l artist Ismaele Soraperra
En sabeda ai 25 de mèrz da les 16:30 a la Mia Majon de Cianacei l’Union di Ladins de Fascia endreza na scontrèda de reflescion e debatit con l artist Ismaele Soraperra sun sia neva realisazion grafica/artistica. Prenotazions al 0462 764545.
26.03.
Festa sun Ciampac
En domenia ai 26 de mèrz con scomenz da les 10:30 sun Ciampac l é la festa ‘Destroy the winter’ per saludèr duc ensema l invern con la musega de dj Matrix, dj Thomas Dorsi e Joe Renzini, bon magnèr e n tornoi de volleyball. Iscrizions al 340 7205564.
27.-29.03.
Pavël: iscrizions
L proiet per l instà Pavël, per mutons y mutans dl 2012–2019, vën metù a ji dal VKE deberieda ai Chemuns, dai 03.07. nchin ai 18.08. dala 07:30–14:30 y un n di nchin la 15:30. La iscrizions possa unì fates tres l portal VKE dai 27.03 nchin ai 29.03. dala 07:00 inant. Nfurmazions plu avisa scrijan a matada@vke.it.
30.03.
Prejentazion dla lia nueva: Lia Uciei Gherdëina
La Grupa per la defendura di uciei de Gherdëina devënta la Lia Uciei Gherdëina, che nvieia ala prejentazion dla lia nueva n juebia ai 30 de merz dala 20:00 tla biblioteca dla Cësa di Ladins a Urtijëi, per prejenté l statut dla lia, l cunsëi, l’atività ududa dant per l 2023 y la plata internet uciei.it. Iacun Prugger prejen­terà l liber nuef n con’ di uciei reres de Südtirol. Da dedò: pitl renfrësch.
01.04.
Cena pureta
En sabeda prum de oril te oratorie de Poza da les 7 da sera l Grop Miscionarie Freina­demetz-Mato Grosso endreza la cena pureta de careisema, olache vegnarà portà dant testimonianzes e temes de riflescion. Duc pel tor pèrt zenza prenotazion, con bonaman che jirà per la popolazion de la Siria che à padì ence per l gran teremot.

Iadi y Jites
25.03.
Jita cun la peves sun l Hinterer Daunkopf tla valeda de Stubai
La Lia da Mont de Gherdëina mët a jì chësta jita mesan­mënter ria y longia. L sarà da jì za. 4,5 ëura cun n deslivel de 1.504 metri. L vën pià via cun la curiera da Sëlva dala 04:45, da S. Cristina dala 04:50 y da Urtijëi dala 05:00. N sarà de reviers inò ntëur la 18:00.
16. -22.04.
Cures y palses a Abano Terme
Dai 16 ai 22 d’aurí vëgnel organisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.

Mostres y Ert
Atualmënter
Mostra: »Estasa dl udëi«
La mostra culetiva »Estasi dl udëi« tla galaria Vijion a Pun­tives ie davierta nchin duman, 25 de merz, dal lunesc nchin la sada danter la 16:00 y la 19:00. L ie da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Lochmann, Andrea M. Varesco, Thaddäus Salcher, Michael Grebner y Rinaudo Nahuel.
Atualmënter
Mostra de fotografies de Gustav Willeit
L artist da Corvara prejënta si lëures te na mostra foto­grafica tl Tublà da Nives te Sëlva. La mostra ie da udëi nchin ai 08.04., uni di ora che l lunesc, dala 15:00 nchin la 18:00.
Atualmënter
Mudazion – mostra tla furtëza de Furtëza
L’UNIKA nvieia de cuer a unì a ti cialé ala mostra »Mu­da­zion« tla furtëza de Furtëza, che jirà inant nchin ai 4 de juni.

Mujiga
25.03.
Cunzert dl ensemble vocal »Alla Breve«
I Jëuni de Mujiga de Gher­dëina nvieia al cunzert n duman, sada ai 25 de merz dala 20:00 tla dlieja de Sëlva. Chertes danora possen res­servé tl ufize dla Lia dl Turism de Urtijëi, 0471 777600.

Referac
29.03
La desposiziun dl paziënt
Le Consëi de Formaziun da San Martin inviëia al referat »Patientenverfügung«, olache ara nen vá dla domanda: ci dessel pa sozede cun me sciöche paziënt ala fin dla vita, sce i ne sun nia plü bun o buna da tó instës la dezijiun? L’apuntamënt é por en mercui ai 29 de merz dales 16:00, tl salf dl Istitut Ladin a San Martin. Referënt é Herbert Heidegger, presidënt dl comité etich provinzial.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.03.
Spëisa ladina: na derzada söl Jouf de Sela
Dales 20:50 ca. Te chësta trasmisciun gnarál arjigné ca na derzada söl Ju de Sela tla ütia Carlo Valentini. Adöm cun le proprietar y cogo dla ütia Gaetano Bonanno gnarál cujiné n cerf cun rês cöci, poms y pan da saus. Tla trasmisciun sarál da odëi ince Giulio Rizzi, responsabl sommelier dl Trentin oriental, che portará dant val’curiosité. Program de Concetta Bonaldi, rejia y camera de Agostino Fuscaldo, a cura de Anna Mazzel.
29.03.
Trail spezial: Spartì aldò dla grupa de rujeneda
Dales 20:50 ca. Trail Spezial prejënta la fazion che à l pru­porz dla grupes de rujeneda tla provinzia de Bulsan y pieta na basa per la valutazion persunela sun la detlarazion de grupa de rujeneda ududa dant tl 2023. La resorses spartides su aldò l pruporz ie la stieres publiches, i aiuc per l cuatier y l finanziamënt per l’istruzion y cultura. A cura de Alexander Stuffer.
30.03.
Euro – trasmisciun d’economia
Dales 20:50 ca. Program de Diego Clara y Hartmann Mair­hofer, a cura de Leo Senoner.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
28.03.
I prighi dla gran süta
Dales 13:45. I Stödafüch da San Martin nes presënta süa ativité de chësc invern, alzan fora l’intervënt por medefüch te bosch sön Ju y i prighi dla gran sëciora. Program de Sara Frenner.
24.03.
Maië sann per viver sann
Dales 19:05. La statistiches dij che l 15% dla rejons dla mort depënd da na alimen­tazion melsana, ulache l ie massa grasc laite o da prudoc bele anjeniei ca y da n maië puere de versura, verdura y alimënc vegetei. L tò su de pëis ie una dla majera rejons per se amalé ajache la prescion y i valores dl sanch se muda. Bele da jëuni fossel bon de tenì ite cërta regules pra l maië. L’esperta de alimen­tazion Yvonne Daurù dà truep cunsëies pratics de n maië plu sann. Trasmiscion de Simon Moroder.
25.03.
L passaport
Dales 19:05. N pice liber, n toch de papier, mo cun en gran pëis, ince sce i passaporc ne à nia düc le medemo podëi. Valgügn deura les portes de tröc paisc, cun de atri indere, él plö ri da se möi. Storia y curiosites sura le passaport. Program de Iris Del Valle.
26.03.
Agorà: Karl Moser »I ani dla segonda gran viera tres i uedli de n pitl mut«
Dales 19:05. Dla Segonda Gran Viera iel unì dit y scrit truep. Nce Gherdëina àla tucà, dantaldut tres la gran rëssa che la Opzion à purtà adalerch. Ma co à pa chëi che fova ntlëuta mo dalonc dala realtà di cunflic mundiei, i mëndri, giapà pea la viera Pra na ciaculeda cun Karl Moser dla Vila purvons a nrescì velch deplù sun la ntraunides dl cunflit, ma dal pont de ududa de n pitl mut, che dla viera giapova mé pea n valgun aspec y che purempò, do belau 80 ani, se lecorda mo de n valguna stories (segonda pert). Trasmiscion de Ivan Senoner.
27.03.
Alex Trebo y la mujiga (2)
Dales 19:05. La mujiga à bel da pitl insù raprejentà la rejon de vita per Alex, che ti ani à trasfurmà chësta si pascion te na prufescion. Da 13 ani vif l musizist de San Martin de Tor a Berlin.  Danter ejibi­zions y cunzerc, cumposizions, arrangements y produzions mujicheles roda si vita de plën ntëur ala mujiga. Program de Leo Senoner.
28.03.
»Benvenuti in Val Badia«
Dales 19:05. Teater cabaret de Simon Kostner (3a pert). Program de Alessandro Dapunt.
30.03.
Diretur nü y obietifs ambiziusc
Dales 19:05. Da apresciapüch n ann incá á la Ciasa de Palsa Ojöp Frëinademetz n diretur nü. Valentin Erlacher nes cunta dl plan de svilup odü dant por na strotöra dessigü nia saurida da manajé. Pro­gram de Sara Frenner.

Chino
Atualmenter
Al chino de Cianacei
Anché, vender ai 24 de mèrz da les 17:00 l é en program »Mummie – A spasso nel tempo« e da les 21:15 »Bene­detta«; sabeda ai 25 e domenia ai 26 da les 21:15 l é »John Wick 4«.
Atualmenter
Al chino de Tieser
Insnet, vender ai 24 de mèrz da les 21:15 l é »L’ultima notte di amore«, sabeda ai 25 da les 17:00 l é »Shazam! Furia degli Dei« e da les 21:15 l é »Creed III«, en domenia ai 26 da les 20:30 l é »L’ultima notte di amore« e en jebia ai 30 da les 21:15 per la rassegna »Il piacere del cinema« l é en program l documentarie «Laggiù Qualcuno mi ama«.

Sport
24.03.
Trofeo Tita e Marco
Anché, vender ai 24 de mèrz Bela Ladinia endreza la 26^ edizion del »Trofeo Tita e Marco« averta a agonisć (a cobies) e a escurscionić (ence singoi) dal zenter de Vich fin sun Ciampedie. I escurscionisć pea via da les 18:00, i agonisć da les 20:00. Iscrizions su https://keepsporting.com.
31.03.
Sellaronda Skimarathon
En vender ai 31 de mèrz vegn endrezà la Sellaronda Ski­marathon. Da les 6 da sera da Rèba pearà via 1300 atlec che se darà batalia sui 42 chilometres con 2700 metres de dislivel per ruèr endò a Rèba do esser passé da Pordoi, Cianacei, Sela, Frea e Ciau­lonch. Travert pervedù per i prumes inant les 9, per i ultimes fin pech do mesanet.
02.04.
»Socialone« de Bela Ladinia
En domenia ai 2 de oril la sociazion Bela Ladinia endre­za sie »socialone« de fin de sajon.
02.04.
»Socialone« del Ski Team Fascia
En domenia ai 2 de oril l Ski Team Fascia endreza sun Ciampac la garejèdes del »socialone« de fin de sajon. I sozi di gropes agonistics é scric ite automaticamenter, duc i etres i cogn fèr saer sia partezipazion, al più tèrt en jebia ai 30 de mèrz, te ofize a Poza, tel. 0462 764111, mail: info@skiteamfassa.it.

Teater
25. y 26.03.
San Martin: teater »Meses verités«
La Uniun dl Teater da San Martin inviëia ales rapresen­taziuns dl toch »Meses verités«, teater da rí te döes perts, de Alan Ayckbourn. La regia é de Matteo Rubatscher. Le teater vëgn ciamó presenté chësta sabeda ai 25 de merz dales 20:00 y en domënia ai 26 de merz dales 15:00, te salf dles manifestaziuns da San Martin. Prenotaziuns al 0474 646030.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
24.03.
Deberieda: Jita ala mostra de »mejes y mestieres«
N se anconta ncuei, vënderdi ai 24.03. dala 14:00 dan la Cësa de Paussa. La grupa Deberieda ie na grupa cun ulenteres, per se ancunté danter persones che à pro­blems psichics o de soziali­sazion.

Temp Lede
30.-31.03.
Lessicografia tradiziunela y digitela tl viver da uni di cun de plu rujenedes
Chësc l titul dl cunvëni n lecort de Luca Serianni, che unirà a s’l dé n juebia ai 30 y n vënderdi ai 31 de merz a Bulsan. Ntan l cunvëni, pensà nce per i jëuni y la jëunes, i studënc y la studëntes dla scoles autes, se dajeran ju cun atlanc linguistics, cun la ntegrazion danter la lessico­grafia y la gramatica, la digita­lisazion di dizioneres storics.
Atualmënter
Rock the Dolomites
The Legendary Kid Combo sunerà ncuei ai 24.03. dala 16:30 pra l Après Ski Bar La Stua y n dumënia ai 26.03. dala 13:00 sunerà i Tempora­neamente pra l Salei.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turi­stich da La Val.
24.03.
Skate Punk Show
La lia Rodes Chedres nvieia de cuer a chësta manifestazion, ncuei vënderdi ai 24 de merz, tl Circolo a Urtijëi. Dala 20:30 saràl n skate contest y dala 21:30 inant mujiga dal vif cun de plu grupes.
25.03.
Spring Race Party a Urtijëi
Duman, sada ai 25 de merz vëniel inò a s’l dé l Spring Race y da dedò – domesdi via – sambën la Spring Race Party tl zënter de Urtijëi: DJ Ondy y DJ Simon meterà su de bela mujiga, bars, butëighes y restauranc festidierà per zeche de bon da maië y da bever. L devertimënt ie assegurà!
28.03.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
29.03.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
30.03.
Cun la gücia da sëra
En jöbia ai 30 de merz pón se fá na roda cun la gücia da sëra, do le Tru di Artisć anter La Ila y San Ciascian. An pëia da Altin demez dales 20:45 y sön tru podarán amiré les operes de artisć ladins ilominades. Prenotaziuns ti ofizi turistics dl’Alta Badia o online.
30.03.
Nos Ladins cun Hubert
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. En jöbia ai 30 de merz dales 9:00 da doman pón jí a se fá na roda cun le verdaciacia Hubert, a La Val. Infos y prenotaziuns ti ofizi turistics dl’Alta Badia o sön www.altabadia.org.
31.03.
Sellaronda Skimarathon
La gara de schialpinism incër le grup dl Sela vëgn metüda a jí le vëindres ai 31 de merz y pëia ia da Reba. A Corvara podarán odëi le passaje di partezipanc dales 19:40 ales 22:10, dlungia la staziun a val dl implant Boé.
31.03.
26ejima Sellaronda Skimarathon
N vënderdi ai 31 de merz uniràl a s’l dé la 26ejima edi­zion dl Sellaronda Ski­mara­thon, che pëia via da Reba. Chi che fej pea passerà tres la valedes ladines y sambën nce te Gherdëina, plu avisa pra l raion dl Hotel Krone te Sëlva (19:00–21:00) ulache la Lia dl Turism de Sëlva meterà a despusizion zeche da maië y da bever per chi che fej pea.
01.04.
25ejima Gardenissima
La garejeda de slalom lerch plu longia dl mond, che pëia via da suinsom de Secëda y ruva nchin japé de Col Raiser, unirà inò a s’l dé n sada ai 1. de auril danmesdì.
01.04.
Gardenissima After Race Party
Do la gerejeda dla Garde­nissima, dala 16:00 inant, uniràl fat festa tal apres ski La Stua te Sëlva. Per scumencé meterà DJ Simon su de bela mujiga. Inant jiàala cun la grupa »die Partyhirschen« y pona cun la star dla sëira Melissa Naschenweng. Per finé via meterà mo Diegopesx su de bela mujiga. Duc y dutes ie de cuer nviei:des – l dever­timënt ie garantì!
01. – 10.04.
Marcé da Pasca a Corvara
Sön plaza de comun, tl zënter da Corvara, vëgnel tigní al 1. y ai 2 d’aurí y spo dai 6 ai 10 d’aurí, n marcé da Pasca cun produc dl artejanat local. La domënia ai 2 d’aurí sarál le grup »The Marth’s«, metü adöm da pere y sües mitans, che fistidiëia dl’aurela cörta. Le marcé é davert dales 16:00 ales 19:00.
02.04.
Gardenissima Kids
Nce i:la mëndri:es possa desmustré cie che i:les sà da fé: pra la Gardenissima Kids, ai 2 de auril. La garejeda de doi chilometri sun Secëda pëia via dala 08:30. N puderà vëncer de biei pesć.

Religion
25.03.
Prozesciun di minis y schira jonila a Oies
I grups di ministranc y dles schires joniles dla Val Badia, adöm cun le grup dles families dla Unité Pastorala y le Sorvisc ai Jogn, organisëia en sabeda ai 25 de merz na prozesciun da San Linert a Oies, olache al gnará perié Les Staziuns, portades dant da mituns y mitans dla valada. An pëia ia dales 14:45 dan calonia da San Linert. Dales 16:00 él mëssa a Oies. Dedô aurela cörta y pice büfé.
27.03.-02.04.
Ena dla pistes
La Pluania de Urtijëi mët a jì n’ena dla pistes, dai 27 de merz nchin ai 2 de auril. Ntan chësta ena pòssen tò pert uni di ala santa mëssa dala 08:30, fé adurazion rucaristica, rujené cun i patri y se pisté. Da sëira saràl ancuntedes cun i patri te dlieja y tla families.
30.03. -12.04.
Introduziun tl »Laldun le Signur« a Badia y a Al Plan
En jöbia, ai 30 de merz 2023, dales 19:30, saral te dlijia de Badia siur Ulrich Fistill y l’or­ga­­­nist Franz Comploi che spliga co adoré le liber nü »Lal­­dun le Signur«. Le mercui, ai 12 d’aurí 2023, dales 19:30, sará chësta introduziun a Al Plan. Dötes y düc é de cör inviá!
02-05.10.
Pelegrinaje a Roma por i 20 agn dala canonisaziun de pater Ujöp Frëinademetz
La Diozeja mët a jí dai 2 ai 5 d’otober 2023 n iade a Roma, mené dal mag. Thomas Stürz. Le numer di partezi­panc é stlüt. Prisc a porsona: 640,00 euro, infos al nr. tel. 0471 306 222, pilgerbuero@bz-bx.net