Pastelné por mitans y mituns, y depënje cun acuarel por porsones adultes
Pia Pedevilla mët da jí deplü cursc da pastelné y acuarel, en chësc iade a Bornech te so atelier tla Groß Gerau Promenade 6c.
Le prisc é de 15,00 Euro al’ora plü le cost dl material. Informaziuns y prenotaziuns al nr. de telefon 348 2221745 o tres e-mail a info@piapedevilla.com
Le numer de partezipaziun é limité a 6!
Curs »Girls« (4 ores)
Le curs é pensé por mitans dai 7 ai 12 agn, acompagnades da n adult che laora para, le de sabeda, ai 20 de ma, dales 14:00 ales 18:00. Temesc: le lama, l’unicorn, balarines, prinzësses y d’ater, de lëgn y depënc sön chedri o tasces de drap. Al vëgn ince decoré na scatora por belijies, cun gliter y perles.
»Tiers de bosch« (4 ores)
Le curs é pensé por mituns y mitans dai 7 ai 12 agn, acompagnades da n adult che laora para, le de sabeda, ai 17 de jügn, dales 14:00 ales 18:00, cun na picera palsa amesaite. Tema é düli, olps y schirates arjigná de lëgn y decorá cun deplü materiai naturai.
»Acuarel y colaja« (3 ores)
Le curs é pensé por porsones adultes, le de sabeda, ai 24 de jügn, dales 14:00 ales 17:00. Al vëgn
View the embedded image gallery online at:
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
Sëra en compagnia de Simon Kostner
Le vëndres ai 19 de ma dales 20:00, tl salf dles manifestaziuns da San Ciascian
Le Grup di Jogn da San Ciascian inviëia a na sëra en compagnia de Simon Kostner, che cuntará de süa vita, dles cosses che ti stá a cör, de sües vijiuns por le dagní y tröp d’ater.
L’apuntamënt é por en vëndres ai 19 de ma dales 20:00, tl salf dles manifestaziuns da San Ciascian.
Edema dles Families te Mareo
Dai 16 ai 20 de ma él preodü referac, workshops y incuntades
Le Comun de Mareo y le Zënter Families á le plajëi da invié la jënt ala Edema dles Families, cun na linia de apuntamënc. An mët man en dedolönesc ai 16 de ma dales 19:30 te salf dles manifestaziuns da La Pli cun n referat dal tema »Kinder trauern anders«. Inant vára cun dui workshops sön le program »Family Plus«, olache la comunité é dër bel inviada da gní a porté dant idees y propostes. An s’incunta le mercui ai 17.05. dales 19:30 te salf dles manifestaziuns da Rina y la jöbia ai 18.05. dales 19:30 te salf dles manifestaziuns da La Pli.
La sabeda ai 20.05. dales 14:00 él spo te salf dles manifestaziuns d’Al Plan la sentada generala dl Zënter Families Mareo. Dales 15:00 vára inant dailó cun n referat sön la Assistënza por les families dl Raiun Sozial, por stlü jö dales 18:00 te dlijia, cun na santa mëssa por les families. Gragn y pici é bel inviá da tó pert ales iniziatives. Informaziuns plü menüdes ciafon pro Katrin Ellecosta al 340 6213637.
Giaurida dl Museum Gherdëina per la sajon da d’instà
L Museum Gherdëina tla Cësa di Ladins a Urtijëi gëura inò per la sajon da d’instà. L nes fej dassënn plajëi pudëi ti mustré a nosc:ta vijitadëures la culezions de marueia y de valor n con’ dla storia, l’ert y la richëzes naturalistiches de Gherdëina
Ve aspiton dai 15 de mei inant cun chisc orars de giaurida: dal lunesc nchin al vënderdi dala 10:00-12:30, 14:00-18:00.
Dai prim de lugio nchin ala fin de agost iel nce daviert la sada dala 10:00-12:30. vwPer vijites ora dl orar reguler pòssen cherdé su danora l numer 0471 797554.
La dumënia che vën, ai 21 de mei, nvieia l Museum Gherdëina al »Di nterna-ziunel di Museums« cun di dla porta davierta.
Sot al motto »Museums, sustenibltà y se n sté bën« vëniel pità dala 10:00 nchin la 18:00 n program per pitli:es y granc:es.
L program plu avisa ie da abiné sot a www.museum gherdeina.it (y tla edizion de La Usc che vën).
La cura dal bun tof y öri eterics
La Portina por l’assistënza y cura
View the embedded image gallery online at:
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
La cura dal bun tof y öri eterics é al zënter de n domisdé che vëgn tigní dal’infermiera Margot Pizzinini en vëndres ai 19 de ma dales 16:00 a Picolin tl Raiun Sozio-Sanitar.
Al vëgn traté i argomënc: – cura dla pel, – prevenziun dles plaies, – prevenziun dl intertrigo, – aromatisé y fá da sté saurí l’ambiënt.
Giaurida dla mostra »Flower-Power«
Ncuei vënderdi ai 12 de mei vëniel giaurì tla galaria Vijion a Puntives, dala 20:30, la mostra culetiva »Flower-Power«, cun opres che trata la tematica dl ciof
La persona à for abù na faszinazion y amor per i ciofs y perchël ie i ciofs unii laudei y descric te duta la formes d’ert. I ciofs nes acumpanieia na vita y nes trasmët plajëi y legrëza. Da for à i ciofs abù si simbologies, cun senificac liei a cërta sortes de ciofs. Nce l muvimënt »Flower-Power« di ani ‘60 ie unì senià dai ciofs, ajache l ciof reprejënta l crëscer, l mudamënt, la belëza, l utimism y la grandëza dla natura, che fova i gran ideai de chësc muvimënt. Se basan sun l sentimënt de maruëia ma nce de delicatëza y tenerëza, ulëssa la mostra mustré su plu aspec ntëur la tematica dl ciof.
Artistes y artisć che tol pert: Elisa Alberti, Harald Plattner, Alfons Walde, Valeria Stuflesser, Egon Digon, Leonora Prugger, Stefan Gross, Andrea M. Varesco, Fabrizio Senoner y Gregor Prugger.
La mostra resta davierta dai 13 de mei nchin ai 17 de juni, dal lunesc nchin la sada dala 16:00 - 19:00.
Cunties y Paoi
Presentaziun tla Ciasa dl parch natural Fanes–Senes–Braies a Al Plan dl liber de Mattia Maldonado cun dessëgns de Silvia Baccanti y Emil Valentini, dé fora dal Istitit Ladin Micurá de Rü. En vëndres, ai 19 de ma 2023, dales 16:00 resp. 18:00 inant
»Cunties y Paoi« é n libreto por n teater te trëi ac, che tol ite liëndes de nostes valades y propostes de inoms de paoi che n’é nia danman.
Program
Dales 16:00: escurjiun incër la Ciasa dl parch a chirí paoi cun Elia Guariento, entomologh dl Istitut por l’ambiënt alpin dl »Eurac research« da Balsan, por descurí i paoi, sües formes y sües funziuns (acompagnamënt tl lingaz talian). Dorada: 1,5 h. Sc’al ess da ester bur tëmp sarál Elia Guariento che tignará daite n referat sön le control dla biodiversité te Südtirol, cun referimënt ai paoi.
Iscriziun debann por l’escurjiun: Ciasa dl parch natural, tel. 0474 506120.
Dales 18:00: presentaziun dl liber y bufé.
»Resta porsona tl monn
View the embedded image gallery online at:
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
https://www.lausc.it/manifestazions-y-evenc/23610-manifestazions-atuales-speziales#sigProId329baf0440
Campagna de sensibilisaziun sön l’adoranza dl fonin y di mass media
Le travert prinzipal de chësta iniziativa é chël da sensibilisé dantadöt i geniturs, o miú i adulc, da adoré i social media, en particolar le fonin, te na manira responsabla. I adulc dess ester de bun ejëmpl por mituns y jogn. Tl medem momënt dess düc ponsé sura por tan dî y por ci ch’ai adora chësc meso de comunicaziun.
Düc chi che vëiga les gran foto arjignades por chësta aziun, dess ponsé do sce ëi instësc esagerëia o manco cun le consum di massmedia. An dess ester cosciënc de ci sort de informaziuns y fotografies ch’an mët tla rëi ponsan olach’ares pó rové indlunch y co ch’ares pó gní adorades.
Chëstes gran fotografies (3 x 2 metri) dess trá l’atenziun dles porsones, i motifs é gnüs chiris fora da ion por sperde, por imprescioné y é gnüs combiná cun slogans che provochëia, sciöche »To/tüa möt/a impara da TE... Al/ara vëiga ci che TÖ fejes!« o ince »I jogn é ma tres sön le telefon!... Y TÖ pa?«
I 5 motifs gnará metüs fora un al iade alaleria ti posć prinzipai dla valada, ai sará da odëi apresciapüch 4 edemes alalungia te vigni post y spo gnarái baratá fora a rodaziun. L’esposiziun pëia ia ai 22 de ma, por jí a piz ai 9 de otober 2023.
Mësa torona
En vëndres ai 19 de ma dales 20:00 sarál tl Zënter dla Jonëza y dla cultura SaJ.un a La Ila l’inauguraziun dl’iniziativa cun na mësa torona, olache al gnará baié de chësc argomënt che ti stá a cör bëgn feter a düc. Al tol pert Maddalena Valentini – pedagoga di mass media y mama; Veronica Clara – assistënta soziala, tutor academica tla Université da Porsenú y mama; Christian Pedevilla – avocat y pere; Maria Pescosta – studënta tla Scora Mesana a La Ila; Luianta Maria Clara – presidënta dl Comité di studënc/dles studëntes dles Scores Altes La Ila. La moderaziun é de Lois Kastlunger.
L’iniziativa é organisada dal Comité de distret Val Badia en colaboraziun cun le Sorvisc ai Jogn Val Badia.
»Highlights« a La Val
Sot a chësc motto inviëia la Musiga da La Val a so conzert d’aisciöda, en sabeda ai 13 de ma dales 20:30, te palestra da La Val
La Musiga da La Val á le plajëi da invié a so conzert d’aisciöda dal titul »Highlights«. Sot la bachëta de Stephan Ploner gnarál porté dant n program de 8 toc. Tla pröma pert gnarál soné »Nordic Fanfare and Hymn« de Jacob de Haan; »Schmelzende Riesen« de Armin Kofler, »Slawischer Tanz nr. 8« de Antonin Dvořák, aranjé da Vladimir Studničká y »Mercury« de Jan Van der Roost.
Inant vára tla secunda pert cun »Wenn Blech erklingt« de Franz Watz, »The Witch and the Saint« de Steven Reineke, »Dublin Pictures« de Marc Jeanbourquin y »Textilaku« de Karol Pádivy. Tla palsa danter na pert y l’atra gnarál tut l’ocajiun da surandé valgünes onoranzes. La Musiga se conforta da ves saludé.
Conzert d’aisciöda a San Martin
La Musiga da San Martin de Tor inviëia al conzert d’aisciöda, chësta domënia ai 14 de ma dales 20:00, tl salf dles manifestaziuns a San Martin de Tor
La Musiga da San Martin de Tor á indô le plajëi da ves porté dant n program desvalí, cun melodies tradizionales y toc plü moderns y en chësc ann ince val’ toc cun solisć.
Sot ala bachëta de Sepl Pezzei podarán aldí n conzert de döes perts. Al mët man cun la marcia da conzert »Arsenal«, por jí inant cun la fanfara da festa »A festival Prelude« de Fritz Neuböck. I podarëis spo ince aldí n valgügn toc portá dant dai solisć al clarinet, fabló traversal, eufonium y saxofon: la polca »Launische Klarinetten«, »Celtic Flutes«, »Zwei Fröhliche Musikanten« y »Sax Time«.
La secunda pert vëgn daurida cun le toch ritmich »Caribbean Moods« y vá spo inant cun toc plü moderns: »One Moment in Time« y le medley dër conesciü »STS Medley« de Stefano Conte.
Düc é dër bel inviá da gní a d’ascuté sö y a passé na sëra cun de beles melodies.