Manifestazions atuales speziales

Data

26 de mei 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 26 de mei 2023
»Magic landscapes without consequences«
L Circolo–Lia Mostra d’Ert nvieia ala giaurida de chësta mostra n vënderdi ai 2 de juni dala 18:00 tl self dla mostres dla Lia Mostra d’Ert
Co se à pa svilupà la fotografia de viac y la pitura dla cuntreda te nosta era digitela? Tres i media soziei sons nëus for plu daujin. Nce i viages se à mudà. Ti ultimi ani ie la vijita dla Odles unida junteda pro ai programs de viages nternaziunei. Turisć:tes vën da dalonc y à mé puec dis per ti cialé ala Talia: n se fërma tla Dolomites, plu avisa te Gherdëina, sun Secëda.
Nsci vàl perdù l’aprijeda dl’ambient, ajache l ne n’ie nia dl’aurela per se dé ju plu avisa cun l luech. Mpurtant ie l aspet, la fassada, che vel assé per la majera pert di:dla turisć:tes...
L Circolo – Lia Mostra d’Ert nvieia a se dé ju te na maniera sota y critica cun l argumënt. Per cuntrasté dut chësc, mostra la opres metudes ora la cunseguënzes de chësc svilup.
La mostra resterà davierta nchin ai 25 de juni, da lunesc nchin de vënderdi, 16:00-18:00 y de sada y dumënia nce danmesdi, 10:00-12:00.


MATCHart- L’ert dla fujion y la fujion dl’ert
Tl Tublà da Nives vëniel metù a ji la segonda edizion de Match Art, dai 25 nchin ai 27 de mei. La prejentazion sarà duman sada ai 27.05 dala 18:00
L ne n’ie deguna regula che determinea la dureda de n pruzes criatif per ti dé forma a n’idea. Datrai se dam?andel ani, datrai bàstel n mumënt. Dai 25 nchin ai 27 de mei uniràl a s’l dé la segonda edizion de Match Art tl Tublà da Nives te Sëlva.
Match Art ie na ancunteda danter cater persones che lëura te ciamps criatifs y artisć y artistes de formes d’ert desferëntes che azetea la ndesfideda de lauré deberieda trëi dis tl Tublà da Nives te Sëlva. Chëst iede se tràtel de Luca Langgartner, Milena Holzknecht, Jan Andrea Moroder y Anastasia Kostner. L fin de chësta azion ie de rënder puscibla n’ancunteda nterdisziplinera y sustenì na produzion artistica nueva. Tres chësta mini-residënza artistica uelen ti dé lerch a evoluzions artistiches, ulache l vën a s’l dé cunlaurazions y dimenscions nueves. La prejentazion sarà n sada, ai 27.05 dala 18:00 tl Tublà da Nives.


Conzert de Pasca de Ma
Chësta domënia, ai 28 de ma 2023, dales 20:30, inviëia la Musiga d’La Pli de Mareo tla Ciasa dles Uniuns a La Pli de Mareo
La Musiga d’La Pli sot la direziun de Fabian Taschler y la presidënza de Georg Rigo inviëia al conzert tradi­zional de Pasca de Ma.
Fora dl pro­gram: »Aurora Bo­re­alis« de Rossanno Ga­lante, »The Story of Anne Frank« de Otto M. Schwarz, »Vaterfreuden« de Martin Scharnagl, »Mons Solus« de Lorenz Eibegger, »Mozart« de Michael Kunze y Sylvester Levay, »Spirits« de Jan van Kraeydonck cun la solista dla usc Marion Palfrader. Tratan la serada menada da Katrin Ellecosta gnaral ince surandé deplü onoranzes de merit.