La Usc di Ladins

Segra da Bula
La Mujiga da Bula nvieia cun plajëi ala Segra da Bula, chësta dumënia ai 4 de juni
L di de festa scumëncia dala 09:00 cun na Santa Mëssa sune­da da na grupa de strumënc a banda. Do mëssa puderàn scuté su n valgun pec de mujiga dala Böhmische da Bula. Dala 11:00 inant sunerà la Mujiga de San Piere n cunzert y domesdì sunerà pona la grupa Odlesound de Urtijëi mujiga da Oberkrainer.
Da bever y da maië ne man­ceràl sambën ënghe nia. La mujiga da Bula se ncunforta sun Vosc unì, per passé debe­rieda n bel di de segra, mujiga y aurela curta.


»Hyperballad«
La mostra tl Tublà da Nives te Sëlva

• 
•  

View the embedded image gallery online at:
https://www.lausc.it/manifestazions-y-evenc/23820-manifestazions-atuales-speziales#sigProId646303cc28

che gëura n vënerdi ai 2 de juni dala 20:00
L cunzet de chësta mostra vën da n pensier n con’ di »hyperobjects« - velch che ie fisicamënter majer ma mënder te si ontologia. L se trata de na mostra cun chedri de Miriam Falkensteiner (*1922 Vahrn) y scul­tures dl duo artistich Philipp Putzer (*1994 Persenon) y Mischa Sanders (*1994 Paejes Basc). Falkensteiner ti va do a cunliamënc visuei che vën da ngatiamënc de sënies, linies y sperses de culëur che ti fej da paladina a formes n muvimënt. L ie na maniera de pensé te formes y les pensé inant nchin che les se trasfurmeia te n cheder. La scultures de Putzer y Sanders vën da nrescides tres dessënies, fotografies y roba abineda, che se trasfurmea te framënc y ruines architetoniches: scultures de peton fates cun formes ora de vedla mubilia che prejënta zeres y urnamënc coche testemunianza de lecorc.
La mostra sarà da udëi nchin ai 1. de lugio uni di (ora che l lunesc) dala 15:00 nchin la 18:00.+


Ert y Sport - l’Ert dl Sport!
La manifestazion vën metuda a jì n juebia, ai 8 de juni dala 20:00 tl Tublà da Nives
Tl Tublà da Nives vëniel jit inant cun l »Forum Sëlva«, ulache l vën tratà argumënc atuei y de nteres. Duc ie nviei a chësta mëisa turonda cun l artist Egon Rusina, la presidënta dl Schi Club Gherdëina Lidia Bernardi, la ciantarina d’opra Sabina Willeit y atlet de schi alpin Alex Vinatzer. Lukas Plancker menerà tres la sëira.
Sibe tl sport che nce tl’ert vàla de arjonjer velch. N titul da campion dl mond, na recunescënza y bona critica d’ert ti mass media. La va de prestige, de resultac, de meric y n ultima de arjonjer l miec. Sport y ert ie doi cosses che à de plu paraleles: la va de avëi disciplina y artenienza, de mustré mpëni y de vester lezitënc. Mé l talënt da sëul ne tleca nia. Ciuni ie pa i ponc medemi o semienc y ciunes la desfrënzes danter chësta doi ativiteies tan carateristiches per nosta valeda de Gherdëina?


»Metamorphosis«: cunzert a Urtijëi
I doi cores de sculées y sculeies dl Vinzentinum tën śën de juni trëi cunzerc per finé via l ann de scola. L prim ie ai 11.06. tla Cësa di Cungresc a Urtijëi
L »Vinzentiner Knabenchor« sot ala direzion de Andrea Tasser y l »Vinzentiner Mädchencor« sot ala direzion de Clara Sattler invieia de cuer a si trëi conzerc per finé via l ann de scola, che sarà te chëst ann iubiler sot al moto dla »Metamorphosis« – l mudamënt. Coche l Vinzentinum se à te si 150 ani de vita for inò mudà, nsci puderàn nce udëi ntan l cunzert var per var na mudazion sun paladina. L prim terminn dl cunzert ie la dumënia ai 11 de juni dala 18:00, tla Cësa di Cungresc a Urtijëi. I doi cores sarà pona nce da audì ai 12.06. dala 20:00 tl Vinzentinum a Persenon y ai 14.06. dala 20:00 tl teater dla zità de Sterzing. Ntreda: dunfierta liedia.