La Usc di Ladins

Dotours
Dutor Gherdëina
L dutor de servisc da n sada ai 10.06 dala 08:00 daduman nchin la 08:00 daduman de n lunesc ai 12.06. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 10 y 11 de jügn, é la doturia Stefania Febbraro, Al Plan de Mareo, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 10.06. nchin n vënderdi ai 16.06. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 9 de jügn dales 19:00 al vëndres ai 16 de jügn ales 19:00, é chëra da San Martin/Picolin, tel. 0474 523020.

Mujiga
Atualmënter
Cianton deberieda – cianties populeres cun Willi Runggaldier
L KVW de Sëlva nvieia chi che à legrëza a cianté n cum­pa­­nìa a fé pea pra chësta ma­nifestazion, che unirà metuda a jì mo 2 iedesc te Sëlva, for de sada, dala 15:00: ai 10 de juni ta La Ciajota, ai 17 de juni tl bar Okay ora Plan da Tieja. Per nfurma­zions: 340 5170711. La mani­fe­stazion ie debant y l ne ie nia debujën de se lascé nuté su.
11.06.
Conzert de la Musega de Ciavaleis
En domenia ai 11 de jugn da les 21:00 te teater de Tieser la Banda de Ciavaleis porta dant n conzert ensema a la Corala de Fiem.
13.06.
Spetacol de jazz
L grop »BandaStorta« prejenta n nef spetacol jazz per gregn e picoi ispirà al mond del circo. En mèrtesc ai 13 de jugn da les 21:15 tedant l ofize di foresć de Vich.
14.06.
Conzert de la Musega de Tieser
En mercol ai 14 de jugn da les 21.00 te teater de Tieser la Banda sozièla de paisc porta dant n conzert per la sègra de Sènt Eliseo.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
09.06.
Trasmiscion

• 
•  

View the embedded image gallery online at:
https://www.lausc.it/manifestazions-y-evenc/23897-manifestazions-atuales#sigProId886d2be4b1

ladina sun Alto Adige Tv
»Emuzions« – l se trata de n programm de 30 menuc che conta de raions dla Ladinia cun si realiteies cultureles, storiches, sozipolitiches y dantaldut populeres. Jënt cunterà si stories y esperienzes, fajan n cheder dl raion che unirà prejentà. La trascmi­scion, meneda da Egon Vinatzer, ie da udëi nsnuet sun Trentino Tv (canal 10) dala 23:00.
13.06.
Sport ladin
Dales 20:50 ca. Program de Diego Clara y Hartmann Mair­hofer, a cura de Leo Senoner.
14.06.
I parcs naturai tles Dolomites Unesco (1ª pert)
Dales 20:50 ca. Te düc i parcs naturai dles Dolomites ciafon n gröm de sorts de plantes y tiers, y gonot se mostri ai edli dl osservadú sciöche n liber de geologia davert. La belëza dles Dolomites Unesco se respidlëia ince tles particola­rités de vignun, le carater salvare de un, les formes de vita endemiches de n ater, le cheder dla contrada de n terzo. Mo nia ma i parcs dess gní sconá. Döt le raiun, che é nosc daciasa, dess gní stravar­dé, deache sce al é n iade desdrüt, ne podarán mai plü le recostruí. Program de Karin Pizzinini y Fulvio De Martin, a cura de Anna Mazzel.
15.06.
Cult rituai da inier y incö
Dales 20:50 ca. Test y cunzet: Ivan Senoner, tai: Georg Penn, a cura de Leo Senoner.

Radio
Atualmenter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
09.06.23
Ulentariat: assistënza umana spirituela d’emergënza
N i vëija for plu y plu suvënz sun i luesc de desgrazia, i assi­stënc umans spirituei d’emer­gënza (»Notfallseel­sorger«). Si lëur ie chël de ti vester daujin a persones che à abù na burta ntraunida sciche pra n inzidënt cun l auto, che resta zruch, sun ëur de streda, bradlan, tla dispera­zion. Olga Paratoni y Monika Perathoner fej chësc servisc de ulentariat bele da n valgun ani incà y nes conta de si sperien­zes. Trasmiscion de Georg Mussner.
10.06.
Momënc de vita – intervista a Mansueto Siorpaes
Dales 19:05. Mansueto Siorpaes é nasciü tl 1944 a Majon de Sote te Ampëz olache al vir ciamó aldedaincö. Mansueto nes cunta de süa vita, de so laur sciöche maester tratan le invern y dl laur da d’isté sön la ütia Nuvolau, olache al é sté 47 agn. N program de Erika Castlunger.
12.06.
Hero 2023
Dales 19:05. La Hero Südtirol Dolomites 2023 ie la garejeda de roda da mont plu cune­sciuda dla Dolomites y nce una dla plu ries y spetaculeres n asolut. Y dlongia la cumpe­tizion agunistica iel nce n adum de scumenciadives y ntraunides, da juebia ai 15 nchina dumënia ai 18 de juni, che va sota l inuem Hero Bike Festival 2023. Ntervista cun Gerhard Vanzi, presidënt y ideatëur de chësta manifesta­zion. Program de Leo Senoner.
14.06.
Overtourism: crazies e prospetives
Dales 19:05. L turism desme­surà desc da cruzier ence te nosc raion tant per l’ambient che per la vita de la persones che vif alò. Da più vers se proa a troèr soluzion, l lech de Braies, la Trei pizes de Lava­­redo é demò vèlch esempie olache se à scomenzà a meter l numer serà e la provinzia de Busan vel jir più inant. La problematiches è tropes e ence l CAI à metù a jir n confront publich olache à tout pèrt ence Elide Mussner e Michil Costa. Program de Anna Mazzel.
15.06.
Ert y manualité, le artejanat de nüsc raiuns: Le carigá
Dales 19:05. Zacan ê le carigá n artejan itinerant che jê da n lüch al ater a fá i cialzá sön mosöra. Incö se é chësc bëgn mudé, ince sce la poscibilité da rové pro n per de cialzá restan te stüa é ince incö dáda, tres le marcé digital. N pro­gram de Sara Frenner.

Segres y Festes
10. - 11.06.
Festa di destudafuech de Runcadic
I destudafuech de Runcadic nvieia de cuer ala festa tradi­ziu­nela, n sada ai 10 y n dumënia ai 11 de juni. La festa scumëncia n sada dala 14:00 cun n pitl turnoi de calcetto - duc contra duc. Da dedò jiràla inant cun mujiga, aurela curta y l sarà sambën nce da maië y da bever. N dumënia puderan »Früh­schoppen« dala 10:00 inant y la jirà inant dut l di cun mujiga, da maië y da bever y sambën ne manceràl nia la ola dala fertuna, n ciastel da peté sauc per mutons y mutans, che puderà nce se lascé depënjer l mus.

Temp Lede
Atualmënter
La Val: ala descurida dl paisc
Ince fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
09.06.
15 menuc de stories
Tla biblioteca de San Durich cunterà Erica na blota storia curta, de n 15 menuc, ncuei vënderdi ai 9 de juni dala 15:00 inant.
10.06.
Sellaronda Bikeday
Nce chëst ann vëniel metù a jì l Sellaronda Bikeday – n duman, ai 10 de juni sarà dui cater i jëufs dla Dolomites (Frea, Ciaulonch, Pordoi y Sela) śarei al trafich a motor dala 08:30 nchin la 16:00, per ti dé la pusciblità a chëi y chëles dala roda de pudëi se goder i jëufs y la cuntredes zënza messëi abadé ai auti. Duc possa fé pea y la manife­stazion ie debant. L vën pia via te Sëlva da Plaza Nives.
13.06.
La Val: »Soghé jüc da mësa«
Mitans y mituns da 5 agn insö é bel inviá en mertesc ai 13 de jügn dales 14:30 te biblioteca a La Val, olache an s’incunta a soghé jüc da mësa.
15.06.
»Flying Aperitivo«
N juebia ai 15 de juni puderàn se goder n bon aperitif »tl air« sun l lift de Mont de Sëura, sun Pana. N se anconta dala 18:00 pra la stazion a val dl lift. L priesc ie de 29,00 euro, per mutons:ans sota i 14 ani iel 19,00 euro. L vën prià bel de se nuté su sot a https://montepana.it/de/unvergessli cher-aperitif-auf-dem-sessellift/.
18.06.
HERO E-Gourmet
L di do la gran garejeda dla HERO vëniel metù a ji na manifestazion de gourmet y relassamënt tres la Dolomites. Cun la roda a lectrisc puderàn arjonjer de plu uties da mont, pra chëles che n puderà se goder vel’ derzeda gourmet y s’la lascé jì bona. Pià via vëniel dala 09:30 te Sëlva dal na Cësa de Cultura Oswald von Wolkenstein, ulache l sarà nce l travert ntëur la 16:00. L possa fé pe 200 parte­zipanc:tes, che ie priei:des bel de se nuté su sot a https://bit.ly/3Ad8zPI.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Do la pedies di pitores fascegn
Ai 24 e 25 de jugn l’Union di Ladins de Fascia met a jir la raida a la Krimmler Tauern­haus, la utia olache i pitores fascegn del passà à lascià sia pedies. I posć per chesta raida i é limité, l é benfat se prenotèr dant dai 12 de jugn, al 0462/764545 o tras mail a union@ladinsde fascia.it.
09.06.
Sëlva 2040 – pruieton nosc daunì deberieda
L Chemun de Sëlva mët a jì na sëira de nfurmazion sun l prugram de svilup cumenel per l teritore y la cuntreda, nsnuet ai 9 de juni dala 18:00 tla Cësa de Cultura de Sëlva.
11.06
La net di archivies te ICL
En domenia ai 11 de jugn da les 6 da sera la Majon di Fascegn met a jir na bela sco­menzadiva per fèr cognoscer i archivies de la Biblioteca del Istitut Cultural Ladin e ge fèr viver ai joegn na net fora de anter, recordan Franz Dantone Pascalin, prum fotograf de la Dolomites. Ge vel se enscinuèr al numer 0462 764267, ence con n messaje whatsapp.
15.06.
15 ani sezion sport ITE Raetia
L Istitut Tecnich Economich Raetia nvieia duc i ex sculeies y la ex sculées dla prima tlas de sport dl 2007 ala festa de aniverser di 15 ani dla sezion sport. La festa unirà fata n ucajion dl turnoi de palé che vën a s’l dé uni ann, n juebia ai 15 de juni sun la plaza dal palé a Urtijëi. L turnoi scumëncia dala 08:00 y l fossa bel sce ulessais fé pea cun na vosta scuadra. Chi che ulëssa, possa nce mé passé ntan la pert ufiziela dl turnoi dala 11:00. Da dedò saràl mo ucajion de senté deberieda ntan na grilieda.
17.06.
Confins storics a Moena
L Comun de Moena e l Cai Sat Grop da Mont endreza l ultim apuntament culturèl. E sabeda ai 17 de jugn l argo­ment l é i confins storics. Ve­gnarà fat na raida sul teritorie per jir a veder i confins e da sera da les 20:30 te sala Simonin Maza de la scoles l é na scontrèda con esperc.

Cursc
10.-11.06.
Curs de jì a crëp
I Jëuni dla Lia da Mont mët a jì n curs de jì a crëp ntan doi fins dl’ena, plu avisa ai 10 y 11 de juni y l’ena do, ai 17 y 18 de juni. L curs ie per chëi:les che à bele esperienza ma nce per chëi:les che ulëssa gën mparé. Per se scrì ite y per plu nfurmazions: Gabriel 339 8364152. L cost ie de 250,00 euro per cumëmbri AVS/CAI.

Sport
Atualmenter
Atletica

• 
•  

View the embedded image gallery online at:
https://www.lausc.it/manifestazions-y-evenc/23897-manifestazions-atuales#sigProId886d2be4b1

per bec e gregn
La US Monti Pallidi en cola­borazion col Ski Team Fascia à endrezà n cors per fèr atività fisica, jir a corer e se arcedèr. L vegn metù a jir d’aisciuda e d’uton, de lunesc e de jebia da les 17:30 a les 18:45 a Poza, da oril fin de jugn e de setember e otober; l cost l é 90 € per bec e 100 per gregn. Info e iscrizions al 0462 574101.
Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. La iscri­zions ie daviertes nchin ai 15.08.2023 sot al numer +39 333 1666922.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Duc ie de cuer nviei.
10.06.
Sellaronda Bike Day
Doman, sabeda ai 10 de jugn, i jouves de Sela, Pordoi, Frea e Ciaulonch vegn seré fora al trafich da les 8:30 a les 16:00 per l Sellaronda Bike Day. No l é nience i coleamenc col autobus.
10.06.
Dolomites Saslonch Half Marathon
La mesa maratona ntëur al Saslonch ruva a si cuinta edizion. L vën pià via ai 10.06. dla 09:00 inant dala Mont de Pana, ulache l sarà nce l travert.
17.06.
HERO Südtirol Dolomites 2023
La garejeda de rodes per prufesciunisć:tes y amatëures unirà a s’l dé nce chëst ann, n sada ai 17 de juni. L vën pià via dala 07:00 da Plaza Nives te Sëlva demez y l ie udù dant doi trasses: una da 86km cun 4.400 metri de deslivel y na segonda da 60km cun 3.100 metri de deslivel. La iscrizions ie bele stlutes ju. L program plu avisa ie da liejer sun la plata de retlam a plata 5.
24-25.06.
Te Fascia la UCI Enduro World Cup
Ai 24 e 25 de jugn a Cianacei vegnarà endrezà na tapa de la Copa del Mond de MTB, la UCI Enduro World Cup de Fascia, sui percorsc endrezé dal Fassa Bike District anter Ciampac, Belvedere e Col Rodela.

Mostres y Ert
Atualmënter
Mostra »Nosc bosch«
La grupa dla Scolina tl Bosch nvieia a unì a ti cialé ala mostra »Tl bosch«, che sarà da udëi mo nchin ai 16 de juni, dal lunesc nchin al vënderdi, 09:00–19:00.
Atualmënter
Mostra »Flower-Power«
Tla galaria Vijion a Puntives iel da udëi na mostra culetiva dal titul »Flower-Power«, cun opres che trata la tematica dl ciof. Artistes y artisć che mët ora: Elisa Alberti, Harald Plattner, Alfons Walde, Valeria Stuflesser, Egon Digon, Leonora Prugger, Stefan Gross, Andrea M. Varesco, Fabrizio Senoner y Gregor Prugger. La mostra resta davierta nchin ai 17 de juni, dal lunesc nchin la sada dala 16:00–19:00.
Atualmënter
»Magic landscapes without consequences«
L Circolo – Lia Mostra d’Ert nvieia a unì a ti cialé ala mostra dal titul »Magic land­scapes without consequences«, che resterà davierta nchin ai 25 de juni, da lunesc nchin de vënderdi, 16:00-18:00 y de sada y dumënia nce danmesdi, 10:00-12:00.
Atualmënter
Hyperballad
La mostra tl Tublà da Nives cun chedri de Miriam Falken­steiner y scultures dl duo artistich Philipp Putzer y Mischa Sanders sarà da udëi nchin ai 1. de lugio uni di (ora che l lunesc) dala 15:00 nchin la 18:00.
Atualmënter
Mostra de fotografies dl cuncors fotografich Ladinia
La mostra tl foyer dla Cësa di Ladins sarà da udëi nchin ai 14 de juni, dal lunesc nchin al vënderdi cun l orar 10:00–12.30, 14:00–18:00.
17.06.
Boé: mostra »Ciavai« de ROTT
En sabeda ai 17 de jügn dales 15:00 él tl Piz Boé Alpine Lounge a Corvara la daurida dla mostra »Ciavai« cun operes dl artist Lois Rottonara – ROTT.

Chino
Atualmenter
Al chino de Tieser
Insnet, vender ai 9 de jugn da les 21.15 en 3D vegn moscià »Transformers, il risveglio«, doman sabeda ai 10 da les 17:00 l é »Spider-man« e da les 21:15 »Transformers, il risveglio«.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Religion
11.06.
Pruzescion de Dumënia dai Andli
La pruzescion unirà fata nce chëst ann, n dumënia ai 11 de juni. Dala 07:45 peierà la Lia Guant dala gherdëina da Plaza de Sant Antone su tres l raion da jì a pe nchin pra dlieja, ulache l sarà la Santa Mëssa dala 08:00. Do mëssa saràl pona la pruzescion tradiziunela dala streda Stufan ite nchin ju sun plaza de Urtijëi.
18.06.
Sacro Cuer de Gejù
La Santa Mëssa n ucajion dl Sacro Cuer de Gejù sarà n dumënia ai 18 de juni dala 09:00 tla dlieja de Urtijëi. Da dedò saràl na marcia dla cum­panìa di Scizeri, che meterà ju nce na gherlanda dan la capela di morc. Da sëira uniràl sambën mpià su vel’ fuech, coche da tradizion, danter l auter nce sun Mëisules.
02. – 05.10.
A Roma por i 20 agn dla canonisaziun de Sant Ojöp Freinademetz
La Diozeja de Balsan/Porsenú mët a jí dai 2 ai 5 d’otober n iade a Roma, por i 20 agn dla canonisaziun de sant Ojöp Freinademetz. Le iade vëgn acompagné dal Vësco Ivo Muser, le numer de partezi­panc é limité. Le prisc é de 640,00 euro a ce. Informaziuns ciafon al 0471 306222 o ala mail pilgerbuero@bz-bx.net

Referac
13.06.
Al Plan: »Biodiversité dles pastöres da munt«
En mertesc ai 13 de jügn dales 20:30 él te Ciasa dl parch a Al Plan le referat »Biodiversité dles pastöres da munt«, tigní da Lisa Angelini de Eurac Research Biodiversity Moni­toring. Bele dal 2019 incá él i inrescidus de Eurac Research che monitorëia la biodiversité de Südtirol. Al vëgn coiü adöm dac ti ambiënc plü importanc; i prá y les pastöres é i plü ric de sorts desvalies.