La Usc di Ladins

Sport
Atualmenter
Atletica per bec e gregn
La US Monti Pallidi en colaborazion col Ski Team Fascia à endrezà n cors per fèr atività fisica, jir a corer e se arcedèr. L vegn metù a jir d’aisciuda e d’uton, de lunesc e de jebia da les 17:30 a les 18:45 a Poza, da oril fin de jugn e de setember e otober; l cost l é 90 € per bec e 100 per gregn. Info e iscrizions al 0462 574101.
Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. Iscrizions nchin ai 15.08.2023 sot al numer +39 333 1666922.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Duc ie de cuer nviei.
17.06.
HERO Südtirol Dolomites 2023
La garejeda de rodes per prufesciunisć:tes y amatëures unirà a s’l dé nce chëst ann, n sada ai 17 de juni. L vën pià via dala 07:00 da Plaza Nives te Sëlva demez y l ie udù dant doi trasses: una da 86km cun 4.400 metri de deslivel y na segonda da 60km cun 3.100 metri de deslivel. La iscrizions ie bele stlutes ju. L program plu avisa ie da liejer sun la plata de retlam a plata 5.
24-25.06.
Te Fascia la UCI Enduro World Cup
Ai 24 e 25 de jugn a Cianacei vegnarà endrezà na tapa de la Copa del Mond de MTB, la UCI Enduro World Cup de Fascia, sui percorsc endrezé dal Fassa Bike District anter Ciampac, Belvedere e Col Rodela.

Cursc
11.07.
Curs de ladin – livel B1
L’Istitut Ladin Micurá de Rü mët a jí n curs de ladin dl livel B1, cun Ulrike Frena­demez. Le curs mët man en mertesc ai 11 de messé y vá inant indöt 8 iadi, fina ai 8 d’agost, dagnora mertesc y jöbia dales 18:00, tl Istitut Ladin a San Martin de Tor. Infos y iscri­ziuns al 0474 523110 o ala mail ulrike@micura.it

Avisc
Atualmenter
I

• 
•  

View the embedded image gallery online at:
https://www.lausc.it/manifestazions-y-evenc/23963-manifestazions-atuales#sigProIda47455df5b

oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Do la pedies di pitores fascegn
Ai 24 e 25 de jugn l’Union di Ladins de Fascia met a jir la raida a la Krimmler Tauern­haus, la utia olache i pitores fascegn del passà à lascià sia pedies. I posć per chesta raida i é limité, l é benfat se prenotèr al 0462/764545 o tras mail a union@ladinsdefascia.it.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Orares Museum Gherdëina
L Museum Gherdëina tla Cësa di Ladins a Urtijëi ie daviert dal lunesc al vënderdi dala 10:00 -12:30, 14:00 - 18:00. Dai prims de lugio nchin ala fin de agost iel nce daviert la sada dala 10:00 -12:30. Per vijites ora dl orar reguler possen cherdé su danora: 0471 797554.
17.06.
En recort de Veronica Zanoner
L Comun de Moena, col Grop Ladin e l’Union di Ladins recorda l’artista e poeta Veronica Zanoner del Tinoto Gabana con na messa en sabeda ai 17 de jugn da les 18:00 te gejia de Sèn Vile a Moena viventèda da la museghes de Luigi Canori. Cianta Angela Chiocchetti e l grop ‘Cianton da marevea’, al orghen l maester Fiorenzo Brigadoi.
17.06.
Confins storics a Moena
L Comun de Moena e l Cai Sat Grop da Mont endreza l ultim apuntament culturèl. Doman, sabeda ai 17 de jugn l argoment l é i confins storics. Vegnarà fat na raida coi esperc sul teritorie per jir a veder i confins anter l Prinzipat vesco­vil de Trent e de Persenon. Se se troa da les 14:00 a Malga Roncac.
18.06.
Feghes del Sacro Cher
En domenia ai 18 de jugn da sera vegn empeà su i feghes de Sacro Cher. I volontadives del Grop Folk de Soraga va sun Sas de la Crousc e i Scizeres de Fascia empea su l fech sunsora gejia di Sènc Felip e Giacum de Ciampedel.
22.06.
Formaziun por operadus sozio­sanitars: sëra de informaziun
Da novëmber 2023 inant pón fá na formaziun da operadus soziosanitars (Pflegehelfer) te un n ann, a Toblach. En jöbia ai 22.06. dales 19:30 él na sëra de informaziun te Ciasa de Palsa a San Martin. Le diretur Valentin Erlacher porta dant les condiziuns dla formaziun y la poscibilité de contrac, la responsabla dl’assistënza Cecilia Hoch­wieser presentëia la formaziun y i practicums, la studënta Laura Rindler cunta süa esperiënza. An pó ciafé n contrat de laur pro la Ciasa de Palsa, olache la formaziun – che é debann – pó gní fata tratan l’orar de laur.
24-26-06.
Sègra de Sèn Vile
Dai 24 ai 26 de jugn a Moena vegn endrezà la sègra de Sèn Vile. Per duc i trei dis musega e stonc con magnèr e beiver te piaz de Ramon. En domenia ai 25 da les 4 domesdì te sala Simonin Maza de la scoles prejentazion del liber scrit da Armando Vadagnini »Conver­sazioni di storia trentina« dat fora da Vita Trentina. En lunesc ai 26 da les 9 defilèda e da les 10 messa grana.

Dotours
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 17 y 18 de jügn, é la doturia Lodovica Mattioni, La Ila, tel. 328 8590842.
Dutor Gherdëina
L dutor de servisc da n sada ai 17.06 dala 08:00 daduman nchin la 08:00 daduman de n lunesc ai 19.06. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, telefonn 366 3646 254.

Apoteches
Apoteca Gherdëina
L’apoteca che ie de servisc ora dl orar urdiner de giau­rida, da n sada ai 17.06. nchin n vënderdi ai 23.06. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 16 de jügn dales 19:00 al vëndres ai 23 de jügn ales 19:00, é chëra d’Al Plan, tel. 0474 501240.

Mostres y Ert
Atualmënter
Mostra »Nosc bosch«
La grupa dla Scolina tl Bosch nvieia a unì a ti cialé ala mostra »Tl bosch«, che sarà da udëi mo ncuei, 16 de juni, dal lunesc nchin al vënderdi, 09:00–19:00.
Atualmënter
Mostra »Flower-Power«
Tla galaria Vijion a Puntives iel da udëi na mostra culetiva dal titul »Flower-Power«, cun opres che trata la tematica dl ciof. Artistes y artisć che mët ora: Elisa Alberti, Harald Plattner, Alfons Walde, Valeria Stuflesser, Egon Digon, Leonora Prugger, Stefan Gross, Andrea M. Varesco, Fabrizio Senoner y Gregor Prugger.La mostra resta davierta nchin ai 17 de juni, dal lunesc nchin la sada dala 16:00–19:00.
Atualmënter
»Magic landscapes without consequences«
L Circolo – Lia Mostra d’Ert nvieia a unì a ti cialé ala mo­stra dal titul »Magic land­scapes without conse­quences«, che resterà davierta nchin ai 25 de juni, da lunesc nchin de vënderdi, 16:00-18:00 y de sada y dumënia nce danmesdi, 10:00-12:00.
Atualmënter
Hyperballad
La mostra tl Tublà da Nives cun chedri de Miriam Falken­steiner y scultures dl duo artistich Philipp Putzer y Mischa Sanders sarà da udëi nchin ai 1. de lugio uni di (ora che l lunesc) dala 15:00 nchin la 18:00.
17.06.
Boé: mostra »Ciavai« de ROTT
En doman sabeda ai 17 de jügn dales 15:00 él tl Piz Boé Alpine Lounge a Corvara la daurida dla mostra »Ciavai« cun operes dl artist Lois Rottonara – ROTT.
22.06.
Mostra »i minerai dles Dolomites«
En jöbia ai 22 de jügn dales 17:00 vëgnel daurí tl salf dles manifestaziuns a Corvara na mostra de corëc, sot al titul »I minerai dles Dolo­mites«. La mostra pón vijité dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00. Ghesć y jënt dl post pó imparé val’ de nü sön la storia de nüsc bi crëps.

Iadi y Jites
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina.N se anconta dala 09:00 tl Muse­um Gherdëina. La iscrizions vën tëutes su nchin al di dant dala 18:00 dal Museum Gherdëina al 0471 797554 y pra la lies turistiches de Gherdëina.
22.06.
Jita al Kratzberger See
La Lia da Mont Gherdëina nvieia, deberieda ala grupa »Nëus jon pa bel plan«, a na jita al Kratzberger See. L sará da ji de n dut za. 5 ëura. Cost: 28,00 €. Nfurmazions: 328 914 6844 (Arthur), 334 720 1650 (Paola), 338 836 2004 (Valentin), 320 045 4724 (Helmuth).

Religion
18.06.
Sacro Cuer de Gejù
La Santa Mëssa n ucajion dl Sacro Cuer de Gejù sarà n du­mënia ai 18 de juni dala 09:00 tla dlieja de Urtijëi. Da dedò saràl na marcia dla cumpanìa di Scizeri, che meterà ju nce na gherlanda dan la capela di morc. Da sëira uniràl sambën mpià su vel’ fuech, coche da tradizion, danter l auter nce sun Mëisules.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
23.06.
Grupa Deberieda: jita sa Sacun
N se anconta n vënderdi ai 23.06. dala 13:40 dan la Cësa de Paussa. La grupa Deberieda ie na grupa cun ulenteres, per se ancunté danter persones che à problems psichics o de sozialisazion.

Chino
Atualmenter
Al chino de Tieser
En mercol ai 21 de jugn da les 21:15 l é »Transformers-Il risveglio«, jebia ai 22 da les 17:15 l é »La Sirenetta« e da les 21:15 l é »The Flash«, vender ai 23 da les 21:15 l é »Elemental« che vegn moscià ence sabeda ai 24 e domenia ai 25 da les 17:30.

Temp Lede
17.06.
La Val:picia maratona por escurjionisć
En doman sabeda ai 17 de jügn dales 8:30 vëgnel metü a jí a La Val la picia maratona »Tru di pra«. Le travert prin­zipal ne dess nia ester chël da davagné, mo da se gode la contrada y i prá da munt floris, sciöche ince la spëisa sana y frësca. Iscriziuns ti ofizi turistics dl’Alta Badia o sön www.altabadia.org
18.06.
HERO E-Gourmet
L di do la gran garejeda dla HERO vëniel metù a ji na manifestazion de gourmet y relassamënt tres la Dolomites. Cun la roda a lectrisc puderàn arjonjer de plu uties da mont, pra chëles che n puderà se goder vel’ derzeda gourmet y s’la lascé jì bona. Pià via vëniel dala 09:30 te Sëlva dal na Cësa de Cultura Oswald von Wolkenstein, ulache l sarà nce l travert ntëur la 16:00. L possa fé pe 200 parte­zipanc:tes, che ie priei:des bel de se nuté su sot a https://bit.ly/3Ad8zPI.
21.06.
Yoga sun Mont de Sëuc
N ucajion dl di nternaziunel dl yoga uniràl a se l dé n’ëura de yoga cun Rakesh y Karin Nanda pra la stazion a mont dla Mont de Sëuc, ai 21 de juni dala 11:00. N possa se nuté su nchin la 18:00 dl di dant cherdan su l 0471 777600.
22.06.
Karen Show – Mini-Zircus per mutons
Sun la plaza de Chemun de Sëlva vëniel metù a ji n mini zircus per mutons, n juebia ai 22 de juni dala 17:00 nchin la 18:30.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
20.06.
Paisc dla Ladinia, vita y storia
Dales 20:50 ca. Program de Erika Castlunger y Hanspeter Karbon, a cura de Alessandro Dapunt.
21.06.
Trail spezial
Dales 20:50 ca.
22.06.
Amelia Menardi Illing. Le valur dla memoria storica
Dales 20:50 ca. Amelia Menardi Illing é nasciüda tl 1930 a Cortina d’Ampëz y ara á daidé pro da mantigní les tradiziuns y la cultura ladina. Ara á scrit dui libri, un sön la storia d’Ampëz y un sön le guant da zacan. Amelia Menardi Illing â na gran pasciun por la storia de so paisc y ara á lascé zoruch n bel recort y dantadöt le sentimënt de portignënza sterch por süa jënt y so paisc. N program de Erika Castlunger, camera y tai de Fulvio de Martin Pinter, a cura de Anna Mazzel.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
21.06.
Raida culturèla te la Krimmler Tauernhaus
Dales 13:45. Ai 24 e 25 de jugn l’Union di Ladins de Fascia met a jir na raida a la Krimmler Tauernhaus, la utia olache i pitores fascegn del passà à lascià sia pedies. En rejonon col president Fernando Brunel che l’an passà ensema col vize presi­dent del Istitut Cultural Ladin Franz Dellantonio Tasin à depent su n tulin de la stua simboi storics e decorazions che rechiama la tradizion fascèna e na frasa per fascian. Conduzion Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
21.06.
Che fajeela pa noscia jent dant che ruasse l turism?
Dales 19:05. Dant che l turism l ruasse te la Dolomites, noscia jent la vivea autramenter. Ma co pa? L liber »Bondì Dolo­mites – Gente dei monti Pallidi« l fèsc na analisa fona de chest tem e l ne porta a descorir tropa informazions su la cultura de nosc raion. N rejonon con i curadores Alfredo Weiss e Renato Constantini. Program de Cinzia Pistoia.
22.06.
Ci fejesta pa tö insnöt?
Dales 19:05. Les manifesta­ziuns tratan l’isté é cotantes. RAI Ladinia alza fora valgügn evënc metüs a jí dal’Assozia­ziun turistica de Santa Cristi­na, che podess ester de gran interes no ma por i sciori, mo ince por la jënt dl post. Program de Sara Frenner.

Mujiga
Atualmënter
Cianton deberieda – cianties populeres cun Willi Runggaldier
L KVW de Sëlva nvieia chi che à legrëza a cianté n cum­pa­­nìa a fé pea pra chësta mani­festazion, che unirà metuda a jì mo n ultimo iede ai 17 de juni tl bar Okay ora Plan da Tieja dala 15:00. Per nfurma­zions: 340 5170711. La manifestazion ie debant y l ne ie nia debujën de se lascé nuté su.
13.06.
Spetacol de jazz
L grop »BandaStorta« prejenta n nef spetacol jazz per gregn e picoi ispirà al mond del circo. En mèrtesc ai 13 de jugn da les 21:15 tedant l ofize di foresć de Vich.
16.06.
Conzert de la Musega de Molina
Insnet, vender ai 16 de jugn a Poza l é l conzert de la Musega de Molina. La ponta via en defilèda da la gejia de Sèn Nicolò da les 21:15 e do la sona te tendon de la manife­stazions.
22.06.
Cunzert dla Mujiga de Sëlva
La Mujiga de Sëlva nvieia al cunzert n juebia ai 22 de juni dala 21:00 sun plaza de Chemun de Sëlva. Duc ie de cuer nviei.
22.06.
La Tiger Dixie Band a Vich
En jebia ai 22 de jugn da les 21:15 tedant l ofize di foresć de Vich la Tiger Dixie Band porta dant sie repertorie de musega jazz.
23.06.
Conzert de la Musega de Poza
En vender ai 23 de jugn a Poza l é l conzert de la Musega de paisc. Da les 21:15 la ponta via en defilèda da la gejia de Sèn Nicolò e do la sona te tendon de la manifestazions.