La Usc di Ladins

Sport
Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. La iscri­zions ie daviertes nchin ai 15.08. sot al 333 1666922.
Atualmënter
Powerskating y Goalie Camp
Dai 10 nchin ai 14 de lugio saràl tl stadio Pranives te Sëlva na lingia de ativiteies per jugadëures de hockey per miuré si maniera de jadiné y per verdiaporta iel ënghe n camp a pert. Per iscrizions: info@ProHockey­Europe.com o 320 4817332.
08.07.
Turnoi de palé/codla sun l ërt
La setima edizion dl turnoi sun l luech da paur de Curijel, sëura Plan, ulache l vën jugà sun n ciamp cun zirca l 30% de pendënza, sarà duman ai 8 de lugio dala 08:30 inant. La scuadres possa vester al plu da cin’ jugadëures. L ie da se scrì ite. Tel. 3346164024.
10-23.07.
L Genoa te Fascia
En lunesc ai 10 de messèl la squadra del Genoa rua te Fascia olache la restarà enscin ai 23 col sostegn de l’APT de val. I jiadores e l staff sarà de alberch al Hotel Dolomia de Soraga e al zenter sportif Benatti de Moena col dida­ment de la Monti Pallidi vegn enjignà dut per i arcedamenc, la partides da peconc, l azet di fan e la conferenzes stampa.
15.07.
DoloMyths Run a Cianacei
En sabeda ai 15 de messèl a Cianacei la gran corsa sa mont. Te la 25^ DoloMyths­Run 800 scric ite se darà batalia sui 22 km. con 1750 metres de dislivel positif de la Skyrace, pean via da les 8:00 da Cianacei per jir sa l Piz Boè e de retorn. Da vender a domenia evenc de cornisc te Piaz Marconi e al FassaPark e ai 16 »èlba con la Dolomyths Run«.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.

Religion
08.07.
Corvara: Preparaziun dl Bato
Geniturs che á n pice viadú da batié, pers che aspeta, totes y toc dl Decanat Val Badia, é bel inviá ala preparaziun dl Bato, en doman sabeda ai 8 de messé dales 15:00 ales 17:00, te salf de calonia a Cor­vara. An stlujará jö cun n pice renfrësch, arjigné ca dala Uniun dles Ëres da Corvara. Prenotaziuns al 334 3200396.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.07.
Sport ladin
Dales 20:50 ca. Program de Diego Clara y Hartmann Mair­­hofer, a cura de Leo Senoner.
12.07.
Unesco: Ala descurida di crëps slauris sön le Dolomi­tes World Heritage Geotrail
Dales 20:50 ca. Le Dolomites World Heritage Geotrail é n percurs a lungia destanza che condüj fora por döta la storia geologica dles Dolomites. Al é tröp deplü co na sëmena da munt. Nia ma nes lascel udëi les plü beles contrades dles Dolomites te so guant d’alde­daincö, mo al nes condüj ince zoruch tl tëmp, por nes fá capí sciöche döt chësc é nasciü y s’á mudé tl tëmp. Nes pormetan de ti ciaré a ci che i un incër nos ia cun d’atri edli, udëi süa forza, mo ince süa fragilité, y capí che i messun düc lauré adöm por preservé süa belëza. Program de Karin Pizzinini, a cura de Anna Mazzel.
13.07.
Gnoch da sgrijorun y zigher
Dales 20:50 ca. Te chesta trasmisciun de Spëisa Ladina gnarál arjigné ca na derzada a Col Santa Lizia pro le resto­rant Belvedere de Roberto Agostini. Adöm a d’ël gnarál cojiné gnoch cun sgrijorun y zigher. Inultima Giulia Tasser cuntará val’dla tradiziun y dla cultura dl post. Dl pro­gram se fistidiëia Anna Mazzel, idea y conduziun de Concetta Bonaldi y regia y camera de Agostino Fuscaldo.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
07.07.
La suraverda dla popolaziun tla Cina
Dales 19:05. La Cina, è l paisc plö avanzè pur chiche reverda la suraverda dles porsones: plö de 600 miliuns de teleca­meres dotades de reconesci­mënt dl müs y bones da identifiché na persona te ma püc’ secunc’. Três l’inteligënza artifiziala el gnü svilupé na tecnologia bona da analisé milesc de ores de videos pur ciafè fora modei de compor­tamënć particolars che podess portè a n delit. Chësc y deplö informaziuns podareise ascutè tratan la trasmisciun. Program de Iris Del Valle.
12.07.
Sciöche le gramorin de n aligator
Dales 19:05. Prejentazion del liber »Gezahnt wie der Kiefer eines Alligators« – chel che i viajadores à scrit su la Dolo­mites – l se trata de na gran enrescida de Ingrid Rung­galdier che met adum e analisèa te so contest storich, politich e leterer tesc de geo­logs, arpizadores, viajadores, poec, autores de libres de viac e auter che é ruè te la Dolo­mites tl centené passà. Pro­gram de Anna Mazzel.
13.07.
Ert y manualité, le artejanat de nüsc raiuns: le laur te siëia
Dales 19:05. Ne se ëise pa mai damané ci che an mëss döt fá por realisé fora de n lëgn, na brëia? Te chësc pro­gram gnunse al savëi ci che al sozed döt te na siëia y co che le marcé dl lignan é atualmënter. N program de Sara Frenner.

Iadi y Jites
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina.N se anconta dala 09:00 tl Museum Gherdëina. La iscrizions vën tëutes su nchin al di dant dala 18:00 dal Museum Gherdëina al 0471 797554 y pra la lies turistiches de Gherdëina.
09.07.
E-bike y via fereda
Jita metuda a jì dala Lia da Mont de Gherdëina. N se anconta pra la fermeda dla curiera da Soplajes. Da iló jiran cun la e-bike da Iender ite de viers dl Sauté, Dialer y su nchin sa la utia Tierser Alpl (2.440m), ulache n se anjinierà ca l set per la via fereda. Do velch da bever mueveràn su per i Dënz de viers de Cuecena per la ferata dl Maximiliansteig fajan na raida y ruvan de reviers per l troi n. 4 pra la utia dla Tierser Alpl. Do na bona marënda ora de flucion o te utia, pieran inò de reviers per la medema streda. Deficultà: mensan­mënter mpeniativa. Per plu nfurmazions: Arnold 333 4377171, Georg 335 7885710, Theo 338 3340111.

Mostres y Ert
Atualmënter
Mostra »i minerai dles Dolomites«
Tl salf dles manifestaziuns a Corvara él da odëi cina ai 22 de messé na mostra de corëc, sot al titul »I minerai dles Dolomites. Ara é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00. Incö ai 7 de messé dales 17:00 gnarál fat na vijita adöm al geologh Paolo Ferratti dl MuSe de Trënt.
07.07.
»Cunescion i lëures de...«
Tl Café Surëdl uniràl metù ora lëures dla artista dl Sarntal Annelise Hofer. La vernissage dla mostra ie nuclei vënderdi ai 7 de lugio dala 10:30 tl Café Surëdl a Urtijëi.
22.07.
Prejentazion Bienela Gherdëina 9
La nona edizion dla Bienela Gherdëian sarà tl 2024, ma bele ai 22 de lugio te doi enes dala 16:00 tla sala dla Lia Mostra d’Ert a Urtijëi uniràl prejentà la nuviteies dal curadëur nuef, Lorenzo Giusti, cun leprò nce na per­for­mance dl’artista palestinesa Mirna Bamieh.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
07.07.
Grupa Deberieda: jita sun Pana
La grupa Deberieda nvieia a na jita sun Pana, deberieda ai:la cumpanies de »Il nostro spaziosissimo« de Bulsan. N se anconta ncuei vënderdi ai 07.07. dala 14:00 dan la Cësa de Paussa. La grupa Deberieda ie na grupa cun ulenteres, per se ancunté danter persones che à problems psichics o de sozialisazion.

Segres y Festes
08.-09.07
Segra de Urtijëi
La Mujiga de Urtijëi Ve nvieia ala festa n ucajion dla Segra de Urtijëi duman sada ai 8 de lugio dala 12:00 inant y doduman dumënia ai 9 de lugio dala 10:00 inant, sun Plaza de Sant Antone.
10.07.
Marcià dla Segra de Urtijëi
Dala 08:00 nchin la 16:00 saràl tl raion da jì a pe l marcià dla Segra de Urtijëi.
15.-16.07.
Segra de Santa Cristina
Doi dis de festa tl Zënter Iman. N sada ai 15.07. sunerà la grupa Odle Sound dala 18:00. N dumënia ai 16 scumen­ceràn dala 09:30 cun la mëssa y la defileda, pona dala 13:00 cun la mujiga de Hoderlumpm y dala 19:00 Volkspartie.

Mujiga
08.07.
Cor di ëi Raetia cianta sun Resciesa
L Cor di ëi Raetia cianterà pra la capela de Resciesa duman sada ai 8 de lugio dala 10:30.
09.07.
Panorama Music aur con Phil Mer
En domenia ai 9 de messèl prum apuntament del 2023 del Panorama Music de Fascia: da les 11:00 sun Ciam­pedie se pel scuèr »Molo­giudecca«: Giulia Galletti, l baterist badiot de nonzech Phil Mer e etres strumentisć porta dant suzesc de la cianzon talièna rielaboré. Se fossa burt temp i sonarà da les 14:30 te tendon de Vich.
09.07.
Cianté y soné sön munt
En domënia ai 9 de messé mët man la linia de conzerc sö alalt tl’Alta Badia. Dales 13:30 él le Cor dles Ëres »Raiëta« che cianta tla »Ütia Las Vegas« da San Ciascian.
12.07.
Sëra de tradizion
Tl Zënter Iman a Santa Cristina uniràl fat na sëira de tradidzion y mujiga n mier­culdi dala 21:00 inant. L sarà la Böhmisce de Santa Cristina, l cor Raetia y la Grupa Balarins de Urtijëi.
12.07.
London Brass te Sëlva
La grupa de strumënc a fla sunerà sun Plaza de Chemun te Sëlva, n mierculdi dala 21:00. La chertes costa 10€ per jëuni y jëunes sot ai 26 ani, y 15€ chëi y chëles cun plu de 26 ani.
13.07.
Cunzert dla Mujiga da Bula
La Mujiga da Bula sarà da audì sun Plaza San Durich a Urtijëi n juebia ai 13 de lugio dala 21:00. Sce l ëssa da pluëi, unirà l cunzert spustà tla gran sala dla Cësa di Cungresc.
13.07.
Cunzert dla Mujiga de Vich
L cunzert dla grupa fasciana sarà n juebia ai 13 de lugio dala 21:00 sun Plaza de Chemun te Sëlva.
15.07.
Oujes de speranza dal Cor Enrosadira
En sabeda ai 15 de messèl da les 21:00 tel teater de Navalge a Moena l Cor Enrosadira endreza n conzert, ensema col Cor Croz Corona de Campodenno, per sostegnir l Centro NeMo de l’ospedèl Villa Rosa de Perjen che se cruzia de riabilitazion de persones con malaties neuro­muscolères, desche la SLA e la SMA.
16.07.
Neri Marcorè a Cianacei
Ai 16 de messèl da les 21:00 al Camp Sportif de Cianacei (se fossa burt al Chino Mar­molèda) conzert del cognosciù artist Neri Marcorè, col stru­mentist Domenico Mariorenzi te n viac en musega anter i maores protagonisć taliegn e foresć. Cost 25 euro con biliec venui dantfora su TicketOne. Info Sociazion Antermoia 348 0043352.
Uni mierculdi
Cunzert dla Mujiga de S. Cristina
La Mujiga de Santa Cristina sunerà uni mierculdi dala 20:30 tl Zënter Iman de S. Cristina. Duc ie nviei de cuer.
Uni vënderdi
»Trio Ladinia« sona te Val
L trio de corni da mont sunerà te Val uni vënderdi, dai 30 de juni inant, for dala 16:30.

Cursc
11.07.
Curs de ladin – livel B1
L’Istitut Ladin Micurá de Rü mët a jí n curs de ladin dl livel B1, cun Ulrike Frenademez. Le curs mët man en mertesc ai 11 de messé y vá inant indöt 8 iadi, fina ai 8 d’agost, dagnora mertesc y jöbia dales 18:00, tl Istitut Ladin a San Martin de Tor. Infos y iscri­ziuns al 0474 523110 o ala mail ulrike@micura.it

Avisc
Atualmenter
I oraries de Pedies
Pedies vegn moscià sul canal 10 Trentino TV de sabeda da les 18:00, domenia da les 13:30 e lunesc da les 11:30. Con Smart TV sul medemo canal se pel l veder canche se vel orian co la friza en su i sot­canai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Nchin ala fin de agost iel nce daviert la sada dala 10:00 -12:30. Per vijites ora dl orar reguler pòssen cher­dé su danora: 0471 797554.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
08.07.
Vincent Stambè e Loreta Florian a Campo Base
En sabeda ai 8 de messèl da les 20:45 sun Sas Pordoi tel chèder de Campo Base l é n enconter dedicà a la osserva­zion del ciel con Vincent Stambè, joen pascionà de astronomia e Loreta Florian che lec su poesies dedichès a la luna e la steiles.
11.07.
Matteo Righetto a Moena Incontri
Te la rassegna de Moena Incontri en mèrtesc ai 11 de messèl da les 17.00 te piaz Perle Alpine l é l enconter col scritor Matteo Righetto che prejenta sie nef liber »La stanza delle mele«. Se l é catitemp l vegn fat te sala Rovisi de Comun
11.07.-25.08
Mostra Aureon a Vich
Te la scola populèra de Vich en lunesc ai 11 da les 18:00 aur la mostra scientifica endre­zèda dai studenc di Licees de Fascia con la Coprativa Inout. La restarà averta fin ai 25 de aost duc i dis da les 15:30 a les 18:30 e da les 20:00 a les 22:00. Info e prenotazions: www.inoutfassa.com/mostra-scientifica.
14.07.
Ispirazions d’istà a Ciampestrin
En vender ai 14 de messèl da les 21:00 al PalaDolomites de Ciampestrin prum apunta­ment de la rassegna Ispirazions d’istà. Se rejona del don de la maternità con Gaia Rota e Michele Cattaneo de @latendainsalotto, don Maurizio Chiodi, l dotor Fabrizio Taddei del Servije sanitarie provinzièl e Vanda Chiodega coordenadora di consultories del teritorie.
17.07.
Te piaz d’istà con Luca Micheluzzi
En lunesc ai 17 de messèl da les 21:15 tel chèder de la rassegna ‘Te piaz d’istà’ de Virna Pierobon a Poza, tedant Ciasa de Comun, l é la prejen­tazion del liber »L’arte della semplicità e del sesto grado« con l autor Luca Micheluzzi.

Chino
Atualmenter
Al chino de Cianacei
Anché vender ai 7 de messèl da les 17:00 l é »Ruby Gillman – La ragazza con i tenta«, en program da la medema ora ence en domenia ai 9 e en lunesc ai 10. Anché vender da les 21:15 enveze l é »Indiana Jones e il Quadrante del Destino«, en program ence en sabeda ai 8 da les 17:00 e en domenia ai 9 da les 21:15. En sabeda ai 7 da les 21:15 se pel veder »Raffa« e en lunesc ai 10 da la medema ora »The Flash«.
Atualmenter
Al chino de Tieser
En vender ai 7 de messèl da les 17:30 l é »Elemental«, en program ence en jebia ai 13; da les 21:15 enveze en vender ai 7 e ence en mèrtesc ai 11 l é »Rapito«. En sabeda ai 8 da les 21:15 e en domenia ai 9 da les 16:45 »Indiana Jones e il Quadrante del Destino«, enveze en domenia da les 21:15 »The Book Club. Capi­tolo successivo«. En lunesc ai 10 da les 17:00 »La Sirenetta« e da les 21:00 proiezions dal 71° Trento Filmfestival; en jebia ai 13 da les 21:15 »Mission: Impossible«.

Temp Lede
Atualmënter
La Val: ala descurida dl paisc
Ince fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:00 inant uni lunesc nchin ai 4 de setëmber.
Uni merdi
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, yni.), uni merdi dala 14:30 nchin la 18:00.
Uni merdi
Marcià di paures y artejans
L vën inò metù a ji l marcià tradiziunel di paures y arte­jans, tl raion de jì a pe de Santa Cristina dala 19:00 inant.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00.
Uni mierculdi
Marcià sun Plaza Nives
L marcià tradiziunel, ulache n puderà cialé, ciarcë y cumpré roba y spëisa locala, unirà a s’l dé uni mierculdi dala 14:30 nchin la 17:00 sun Plaza Nives te Sëlva.
Uni juebia
Sëira per mutons:ans cun l Strion Bryan
Tl Zënter Iman uniral metù a jì uni juebia na sëira de aurela curta, juech y dever­timënt cun l strion Strion Bryan, for dala 20:30 inant.
07.07.
Aperitif Urtijëi
Dala 18:00 inant puderàn s’la lascé jì bona pra n bon aperitif cun mujiga dal vif tl raion da jì a pe de Urtijëi. La manifesta­zion ie ncuei vënderdi ai 7 de lugio.
07.07.
Sëira dl vin a Santa Cristina
Tl raion da jì a pe Bënunì a Santa Cristina vëniel inò metù a ji la sëira dl vin, ncuei vën­derdi ai 7 de lugio dala 19:30 inant.
10.07.
Eco – Hiker tl’Alta Badia
En lönesc ai 10 de messé dales 16:00 pón tó pert a na spazi­rada, te chëra che an pó dé n contribut ala natöra cun chëie sö le ciomënt do i trus. An s’incunta tla plaza da parché tla localité »Sciaré«, por jí devers la munt de Valparola. Prenotaziuns ti ofizi turistics dl’Alta Badia o online.
11.07.
Calfosch: domisdé di mituns
Mitans y mituns da 3 a 12 agn pó tó pert a n domisdé creatif, en mertesc ai 11 de messé dales 15:00 ales 17:00, tl parch dai tiers a Calfosch. I mëndri podará odëi cun le pech Nikolas sciöche al vëgn fat pan, che gnará spo cöt tl furn da pan sciöche inlaota. Prenotaziuns ti ofizi turistics dl’Alta Badia o online.
11.07.
Entorn Vich
En mèrtesc ai 11 de messèl per endrez de Comitat Vich Events l paisc se empienesc de sons, saores e tradizions locales. Da les 19:30 aur i stonc olache se pel aer na bona cena itineranta con piac tipics compagné da vins trentins e da notes gustegoles de musega. Se pel comprèr dantfora l biliet per la magnadiva, info sui sic Vich Events o fassa.com.
12.07.
Co fóssel pa a judé pea pra la Crëusc Blancia?
N mierculdi ai 12 de lugio dala 20:00 nvieia la Crëusc Blancia de Gherdëina a na sëira de nfurmazion tl Zënter de Prim Aiut a Soplajes. L unirà spiegà cie che n possa dut fé coche ulenter o ulentera pra chësta lia. La sëira ie davierta per jënt de uni età. N possa nce mé jì n iede a scuté su, zënza mpëni. Y pona povester se fé n doi pensieres.
12. y 13.07.
Nos Ladins cun Michîl, Rosa y Tone
Tres l’iniziativa »Nos Ladins« pón descurí le monn ladin deboriada cun porsones dl post. En mercui ai 12 de messé pón tó pert a na spazirada filosofica cun Michîl Costa a Calfosch. En jöbia ai 13 de messé pón vire n de sön n lüch da paur adöm a Rosa y Tone a Badia. Prenotaziuns ti ofizi turistics dl’Alta Badia o online.
12.07.
Sëra dla porta daverta pro i Stödafüch da La Val
En mercui ai 12 de messé dales 21:15 inant él i Stödafüch da La Val che dá la poscibilité da ti ciaré al magazin y ales mascins che ai adora. Pici y gragn é bel inviá.
12.07.
Cujiné te ütia
En mercui ai 12 de messé dales 14:30 inant pón tó pert a n curs da cujiné spezialités tradizionales, tla ütia »I Tablá« sura San Ciascian. An impa­rará da fá les bales da spinot. Prenotaziuns ti ofizi turistics dl’Alta Badia o online.
13.07.
La Ila: domisdé cun jüc da mësa
La Biblioteca Sas dla Crusc inviëia a n domisdé d’aorela cörta cun jüc da mësa por döta la familia, deboriada cun le »Spieleverein Dinx«. An s’incunta en jöbia ai 13 de messé dales 15:30 ales 17:30, te biblioteca a La Ila. Na bela ocajiun por imparé jüc nüs, che an pó ince se impresté fora.
13.07.
Laborators didatich tl Museum Ursus ladinicus
La jöbia ai 13 de messé pó i mituns tó pert a döes incun­tades didatiches, tl Museum Ladin Ursus ladinicus a San Ciascian: dales 16:30 ales 17:00 pó mituns da 7 a 12 agn imparé val’ sön les Dolo­mites y dales 17:00 ales 18:30 pó mituns da 4 a 8 agn vijité le museum. Prenotaziuns pro le Museum ladin.
14.07.
Vins alaleria
La linia de degustaziuns de vins de Südtirol vá inant ai 14 de messé dales 14:30 pro le Sas Dlacia a San Ciascian. An pó ciarcé na seleziun de vins spumanc de Südtirol, adöm cun n sommelier. Preno­taziuns ti ofizi turistics dl’Alta Badia o online.
15.07.
Fitness a 2.000 metri
La sabeda ai 15 de messé i vëgn dedicada al fitness sön Piz La Ila. Al vëgn tigní le­ziuns de fitness y yoga, sciöch eince referac de psicologia y alimentaziun, adöm a Federica Costantini y espertes dla »Federica Fitness Library«. Les iscriziuns vëgn tutes sö söl post dales 9:30 inant. Infos sön www.moviment.it
19.07.
A spas co la musega a Poza
En mercol ai 19 de messèl duta la strèda de Meida dal Piaz de Comun en su se sera al trafich da les 21:00 fin les 23:00 per ge lascèr lèrga a animazion, musega e golo­saries endrezé da sociazions e operadores del post sot la regia del Comitat Manifesta­zions Enjoy Pozza.

Dotours
Dutor Gherdëina
L dutor de servisc da n sada ai 08.07. dala 08:00 daduman nchin la 08:00 daduman de n lunesc ai 10.07. ie l dutor Micheal Trocker de Urtijëi, tel. 388 2580002.
Doturs Val Badia
Tla fin dl’edema dl 8 y 9 de messé él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns da La Val, Badia y Corvara él en sorvisc le dotur Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 08.07. nchin n vënderdi ai 14.07. ie chëla de Sëlva, tel. 0471/795142 o 333/1776615, (davierta dala 8.30 ­ 12.30).
Apoteca Val Badia
L’apoteca en sorvisc fora dl orar ordinar, dal vëndres ai 7 de messé dales 19:00 al vëndres ai 14 de messé ales 19:00, é chëra da San Martin/Picolin, tel. 0474 523020.

Leteratura
07.07.
Storia per mutons y mutans
Tla biblioteca San Durich a Urtijëi puderàn ncuei vënderdi n dala 15:00 scuté su na storia de chindesc menuc per mutons y mutans.
11.07.
Prejentazion cun Ingrid Rung­galdier y Nadia Rungger
Tla biblioteca San Durich a Urtijëi uniràl prejentà n merdi ai 11 de lugio dala 20:00 l liber »Gezahnt wie der Kiefer eines Alligators – Was Reisen­de über die Dolomiten schrieben« de Ingrid Rung­galdier, cun dumandes y letures de Nadia Rungger.
12.07.
»La nuet plu longia de mi vita«
Tla biblioteca Tresl Gruber de Santa Cristina uniràl Andrea Wisthaler, n mierculdi ai 12.07. dala 20:00, per cunté de si liber y si storia: »Eiger – Die längste Nacht meines Lebens«.