La Usc di Ladins

Dotours
Dutor Gherdëina
L dutor de servisc da n sada ai 09.09. dala 08:00 daduman nchin la 08:00 daduman de n lunesc ai 11.09. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema di 9 y 10 de setëmber él en sorvisc ti cin’ comuns dla Val Badia le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 09.09. nchin n vënderdi ai 15.09. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 8 de setëmber dales 19:00 al vëndres ai 15 de setëmber ales 19:00, é chëra d’Al Plan, tel. 0474 501240.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
12.09.
Sport ladin
Dales 20:50 ca. Trasmisciun de Diego Clara y Hartmann Mairhofer, a cura de Leo Senoner.
13.09.
Arpejuns: La dlijia de Ospedà
Dales 20:50 ca. La dlijia de Ospedà è dedicada a San Micurá, a San Blaje y a Sant Antone Abat y ara é gnüda fata sö tl 1226 dlungia n ospize por viandanc y pelegrins, sön la strada de Alemagna, la strada che da vedlamënter inca coliëia Aunejia cun i Paisc Todësc. La dlijia é de proprieté dla Regola alta de Larieto, che mët a jí deboriada cun la Regola alta de Anbrizola na prozesciun da d’aisciöda y da d’altonn por perié che la sajun sön les munts vais bun y por rengrazié de na bona racoiüda. N program de Erika Castlun­ger, camera y tai de Hans Peter Karbon.
14.09.
L dauní odú dai ladins: pudëi viver y sté
Dales 20:50 ca. Terles stlutes, degun ciofes sun balcon y de gran ierba che crësc te verzon: for plu y plu cëses cëla ora nscila tla valedes ladines. Davia che trueps uel unì n feries tla Dolomites, ie l valor dla cëses jit su dassënn. La families jëunes ne possa suvënz nia plu resté a viver tla Ladinia. Nsci ie l pericul grant che la rujeneda ladina vede perduda. Program de Elisabeth Kostner, a cura de Anna Mazzel.

Segres y Festes
10.09.
Segra de Runcadic
N dumënia ai 10 de setëmber saràl la Santa Mëssa dala 09:30, da dedò la pruzescion y festa cun ntratenimënt de mujiga.

Sozial
08.09.
Deberieda:

• 
•  

View the embedded image gallery online at:
https://www.lausc.it/manifestazions-y-evenc/24845-manifestazions-atuales-speziales#sigProId1db56f8683

Jita sun Juac
N se anconta ncuei, vënderdi ai 8 de setëmber dala 14:00 dan la Cësa de Paussa a Urti­jëi, per jì deberieda sun Juac, pra la utia. »Deberieda« ie na grupa che mët a jì ancun­tedes danter ulenteres y per­sones che à problems psichics o de sozialisazion.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.

Sport
09.09.
»Crono Fanes« da Pederü sön Fanes
En doman sabeda ai 9 de setëmber dales 11:00 él la gara cun roda da munt o E-Bike, da Pederü cina sön Fanes. L’iscriziun danfora costa 20,00€, al start 22,00€. Lapró él ince na pasta tla Ücia Lavarella o Ücia de Fanes. Infos y iscriziuns danfora sön www.eventsdolo mites.org o al 327 3698176. La gara vëgn fata sce al é almanco 30 iscric danfora.
12.09.
Prima ancunteda dla Grupa Sport dl cuer
La Grupa dl Sport dl cuer se anconta inò ai 12 de setëm­ber per la prima ancunteda de chësc inviern. L se trata de ancuntedes per fé sport per l cuer y per renfurzé nosta sanità cun l fisioterapist Lukas Perathoner y la duturëssa Aksana Serankova. L’ancun­tedes jirà inant, for de merdi, 19:00–20:00, tla palestra dl ITE a Urtijëi. Gën vëniel mo tëut su vel’ nteressà:eda. Per nfurmazions pòssen jì n iede a cialé pro o scrì a guido.tinderla@gmail.com
16.09.
Sellaronda Bike Day
Coche da tradizion unirà i jëufs ntëur Mëisules (Frea, Ciaulonch, Pordoi y Sela) śarei per l trafich a motor–dala 08:30 nchin la 16:00–per ti fé lerch a chëi dala rodes. Duc possa fé pea, la manife­stazion ie debant.
17.09.
Partida de palé danter l FC Gherdëina y l AFC S. Martin – Moos tl Passeier
La partida dl campiunat tla categuria dla Prumozion sarà n dumënia ai 17 de setëmber dala 15:30 sun l ciamp de Mulin da Coi contra l AFC S. Martin–Moos tl Passeier.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.

Iadi y Jites
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina. N se anconta dala 09:00 tl Museum Gherdëina. Iscrizions: nchin al di dant dala 18:00 dal Museum Gherdëina al 0471 797554 y pra la lies turistiches.
21.09.
Traverseda dal Jëuf de Valles al Jëuf de Rolle
La Lia da Mont Gherdëina nvieia a chësta jita ai 21.09. L sarà da jì de ndut feter 4,5 ëura cun n deslivel de 450 metri suvier y juvier. Pià via vëniel da Urtijëi dala 7:00 (Plaza de S. Antone), da S. Cristina da la 7:05 (Bar 2000) y da Sëlva demez dala 7:15 (Hotel Oswald). Per se nuté su (mé plu cumëmbri scric ite pra l AVS o CAI): dal lunesc 11.09. nchin merdi ai 19.09. da Ciofes Inge a Urtijëi, da Malsiner Soriva a S. Cristina y da Sport Bruno Riffeser te Sëlva.
05.11.
Cures y palses a Abano Terme
Dai 5 ai 12 de novëmber 2023 vëgnel organisé dala Val Badia infora na sojornanza a Abano Terme cun le iade te bus. Al é da s’anunzié por la fin de stëmber 2023 pro Monica Costa al 0474 590069 o le 348 9604485.
05.11.
Cures y palses a Abano Terme
Dai 5 ai 12 de novëmber 2023 vëgnel organisé dala Val Badia infora na sojornanza a Abano Terme cun le iade te bus. Al é da s’anunzié por la fin de setëmber 2023 pro Monica Costa al 0474 590069 o al 348 9604485.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.09.
Padel y tennis a Urtijëi
Cun la presidënta dl club dal tennis de Urtijëi, Patrizia Mairhofer, rujenons dl boom che l sport dl padel à n generel, y nscila nce tlo da nëus, do che l ie unì fat su doi ciamps aposta a Runcadic. D’autri argumënc ntan la trasmiscion sarà l’atività n generel dl club y l nteres che devënta for majer per chësta atività sportiva, de gra nce al tennist jëunn Sinner, che fej muever l focus de viers de chësc sport. Trasmiscion de David Lardschneider.
09.09.
Momënc de vita – intervista a Ester Piaz
Dales 19:05. Ester Piaz é na­sciüda tl 1937 a Pera y da 60 agn inca virela a Mazin, olache ara s’á maridé. Ester nes cunta dla vita y dla scora a Pera, di jüc che ara fajó cun sües cumpagnes. A Ester ti â lince tres salpü bel da fá sport y da ciaré pro ales manifesta­ziuns sportives y n’atra süa gran pasciun é le balé. N program de Erika Castlunger
13.09.
Pacha Mama - Aria
Dales 19:05. L’aria l’é n ele­ment che ne fesc respirer, con aria neta e frescia duc stesc miec.L bosch à na funzion fondamentala per der aria neta ma tropa outes l vegn taà jù senza ge pisser desche te l’Amazzonia, l fià bianch del mond. Program de Anna Mazzel e Stefen Dell’Antonio.
14.09.
La Val te sü svilups storics
Dales 19:05. Savôste pa che La Val n’é nia dagnora sté n comun? Le apascioné de storia, Paul Alton, nes cunta di svilups sozedüs tl tëmp, tl paisc senté ite amesa la Val Badia. N program de Sara Frenner.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Orares Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Nchin ala fin de agost iel nce daviert la sada dala 10:00 -12:30. Per vijites ora dl orar reguler pòssen cherdé su danora: 0471 797554.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmënter
Jí pro les »Ëres tl Artejanat« Val Badia
Les ëres artejanes o ëres cola­radësses tl’aziënda de familia é bel inviades da gní a fá pert dl grup dles »Ëres tl Artejanat« Val Badia. An pó s’informé zënza impëgn pro Astrid al 347 2992358 o Manuela al 339 1104083
08.09.
N studie su la letres de Amadio Calligari
Anché, vender ai 8 de setember da les 5 domesdì te sala grana de la Majon di Fascegn a Sèn Jan vegn prejentà l liber de Fabio Chiocchetti »Letres da Larcioné. Amadio Calligari a Tita Cassan (1887-1897)«, dat fora da l’Union di Ladins de Fascia adum col Istitut Cul­tural Ladin. Tol pèrt l autor e l professor Mario Infelise.
17.09.
Festa per i 20 egn de la Cèsa de Paussa
En domenia ai 17 de setember l’APSP de Fascia festejea i 20 egn. Vegn dit messa da les 11 fora da la strutura e domesdì da les 15:00, do i intervenc de salut e rengraziament vegnarà perjentà l projet »dal 1912 a anchecondì... N viac te la storia de la Casermes de Sèn Jan« e da les 16:30 sarà l conzert de la Musega da Vich.
24.09.
Do i troes de la feides
La Magnifica Comunità de Fiem endreza n nef projet culturèl dal inom »Autre stra­de« per jir a descorir i troes che fajea la feides e la ciaures. En domenia ai 24 de setember vegn fat l troi Moena-Le Cune-Viesena-Salsom ensema a esperc che spiegarà la storia del teritorie. Info e prenota­zions 0462 340812 o info@palazzomagnifica.eu.
21.10.
Iade dla classa 1973 dla Val Badia
Düc i nasciüs dl 1973 dla Val Badia é inviá da tó pert al iade, che condujará sön la Laguna de Aunejia, en sabeda ai 21 d’otober. Por informa­ziuns y por s’anunzié, él da mené n WhatsApp al 333 5204424.

Chino
Atualmenter
Al chino de Cianacei
Insnet, vender 8 de setember da les 21:15 e doman sabeda ai 9 da les 17:00 l é »Jeanne Du Barry–La favorita del re« e sabeda da les 21:15 l é »The Equalizer 3–Senza tregua«.
Atualmenter
Al chino de Tieser
Insnet, vender ai 8 de setember da les 17:15 l é »Barbie« e da les 21:15 l é »Oppenheimer«, sabeda ai 9 da les 17:00 l é »La casa dei fantasmi« e da les 21:15 l é »Equaliser 3: senza tregua« che vegn moscià ence domenia ai 10 semper da les 21:15: jebia ai 14 da les 21:15 l é »Assassino a Venezia«.

Cursc
11.09.
Al Plan: ginastica y qi gong
Le Consëi de Formaziun d’Al Plan mët a jí n curs de gina­stica saurida cun qi gong, por porsones de vigni eté, dantadöt 50 agn y plü. Referënta: Karin Taibon. Le curs mët man le lönesc ai 11 de setëmber y vá inant cina ai 20 d’otober – indöt 7 incuntades. Info y iscriziuns al 329 2223634.
23.09.
»Verzöra« – ci buna, co pói pa la conservé por la tó ca d’invern?
Chësc é le titul dl domisdé che vëgn metü a jí en sabeda ai 23 de setëmber dales 14:00 ales 18:00, tla ciasadafüch dla scora a Lungiarü. Refe­rënta é Martina Irsara da Prettau. Prenotaziuns anter i 19 de setëmber pro Lucia al 338 9918326. Al pó tó pert al plü 15 porsones. Cost: 20,00€ a ce.

Mujiga
08.09.
Rap night tl Circolo
Ncuei, vënderdi ai 8 de setëmber dala 20:00 inant tl self dla mostres dla Lia Mostra d’Ert, fajerà la cultura dl rap tapa te Gherdëina. L sarà da audì rap te trëi rujenedes di artisć: Emef (GVG Records) y Big Wax, Raise y Vlad44 (GVG Records), Panda la 9 de Gherdëina, Ethnic Tech­niques y Cooperaziun Planta dala Val Badia.
08.09
»Trio Ladinia« sona te Val
L trio de corni da mont sunerà te Val mo ncuei vënderdi ai 8 de setëmber dala 16:30.
10.09.
Cianté y soné sön munt
La linia de conzerc tles üties dl’Alta Badia se röia en do­mënia ai 10 de setëmber dales 13:30 ales 15:00, pro la Ütia Lee a Badia, cun le trio »Cors da munt Sassongher«.
10.09.
Conzert di cores del Trentin
La Federazion di Cores del Trentin endreza ‘Maratone corali’ na stafeta musicala per festejèr si 60 egn. L ultim apuntament é a Moena en domenia ai 10 de setember con scomenz da les 17:00 te teater Navalge.
14.09.
Cunzert dla Mujiga de Sëlva
La Mujiga de Sëlva sunerà n juebia ai 14 de setëmber dala 21:00 inant sun Plaza de Che­mun de Sëlva. Duc ie nviei a unì a scuté su.
14.09.
I Sons de la Dolomites sun Ciampac
En jebia ai 14 de setember sun Col Bel sun Bufaure da les 12:00 per la manifestazion ‘I Suoni delle Dolomiti’ l é l conzert omaje a Morricone con Luciano Biondini al orghen da mantech e Rosario Giuliani al sax.
16.09.
60 ani dl Cor viril Raetia
N ucajion di 60 ani dala fundazion dl Cor Raetia, saràl n sada ai 16 de setëmber do la S. Mëssa dala 19:15, n cunzert, deberieda al »Quintet ladin«. N dumënia ai 17 de setëmber cianterà l Cor Raetia ntan la S. Mëssa dala 9:00, la »Missa Brevis de Joseph Haydn« deberieda cun l’orche­stra de archëc y l orgun.

Referac
14.09.
Referat »Liebe und lebe dich selbst«
Referat por todësch cun la dr. Doris Lomi Kaserer, en jöbia ai 14 de setëmber dales 19:30, tl salf di stödafüch da San Martin. An ciafa impulsc y consëis por eserzizi pratics che dëida se sintí plü sigüdes de se instësses y plënes d’ener­gia. Implü ciafon consëis por se tó tëmp por se instësses y s’azeté sciöche an é. Organi­saziun: Consëi de Formaziun y Uniun dles Ëres da San Martin.

Temp Lede
Atualmënter
La Val: ala descurida dl paisc
Sëgn d’isté pón tó pert a na ciacia al tesur particolara fora por le paisc da La Val. Na spazirada interativa da na staziun al’atra fora por les fraziuns dl paisc, cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00.
8-10.09.
Gran Festa da d’Istà a Cianacei
Dai 8 ai 10 de setember a Ciana­cei i Studafech e la Crousc Biencia endreza la Gran Festa da d’Istà. Ai 8 e 9 musega e da magnèr te tendon te Pareda, domenia messa grana da les 10:00 lo da tendon e domesdì con scomenz da les 15:00 te strèda Roma defilèda e esibizion di gropes folk e de la bandes.
10.09.
Ancunteda FIAT 500 SELLA TOUR
Ai 10 de setëmber se anconta i pasciunei de Fiat 500 sun la plaza dan la Cësa de Cultura de Sëlva, dala 08:30. L ie da se lascé nuté su y da paië ite 55,00 euro. Per plu nfurma­zions: 500sellatour@gmail.com, Peter 329 4221363 o Georg 335 8274025.
10-13.09.
Picol marcià di Mille Centrini
L grop Millle Centrini de Vich endreza n picol marcià de solidarietà ai 10, 11, 12 e 13 de setember te Ciasa Mar­molada da les 15:00 a les 19:00. Vegn venù i lurieres fac a man, col acherle e a maia da la volontadives da Vich.
11.09.
Calfosch: Vijita ai implanc portamunt
En lönesc ai 11 de setëmber pón jí a vijité i implanc porta­munt »Impianti Colfosco«, olache an podará cuché ite tl monn di implanc. An s’incunta dales 16:30, pro la plaza dai auti »Pera Ciaslat« a Calfosch. Prenotaziuns ti ofizi turistics dl’Alta Badia o online.
12.09.
Badia: Gosté da paur
En mertesc ai 12 de setëmber dales 8:00 pón jí a gosté sön le Lüch d’Arslada a Badia – un di püc olache al vëgn ciamó fat smalz. Dan gosté podarán ciamó ti dé da mangé ai cunici y jí a do i üs frësć pro les ia­rines. Dedô pón se gode ala­leria o te stüa n gosté cun smalz, iogurt, lat y tröc d’atri produc. Prenotaziuns ti ofizi turistics dl’Alta Badia o online.
14.09.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 14 de setëmber dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
15-17.09.
Festival del Spretz Tzaorì a Moena
Dai 15 ai 17 de setember a Moena vegn endrezà desvaliva scomenzadives e ativitèdes per l Festival del Puzzone DOP. En domenia ai 17 te piaz de Sotegrava da les 10:30 vegn taà ju la set formes de Puzzone de Moena e da les 11:45 rua la vaces da mont per la desmonteèda che jirà fora per paisc con la Musega, i bachegn e la sociazions.
16.09.
»Cianté d’ostaria« a La Pli
En sabeda ai 16 de setëmber dales 20:00 s’incunton te Ciasa dles Uniuns a La Pli por sté deboriada cun musiga popolara. Organisaziun: Cor de Dlijia da La Pli.
16.09.
Desmonteèda a Soraga
L Comitat manifestazion de Soraga endreza en sabeda ai 16 de setember la desmonteèda de la vaces che les ruarà te paisc entorn les 12:30. Via per l inantmesdì picol marcià te piaz Bepo Roch e dalmesdì marena te Pra del Preve con musega.

Mostres y Ert
Atualmënter
Mostra: Nexus Paradise
La mostra NEXUS PARA­DISE, na mostra persunela dl artist da Laion Peter Seno­ner, ie da udëi tl Tublà da Nives te Sëlva, uni di ora che l lunesc dala 16:00 ala 19:00; merdi, mierculdi y vënderdi nce dala 20:00 ala 22:00.
Atualmënter
Mostra de Barbara Tavella
Tla Galaria Doris Ghetta a Puntives iel da udëi la mostra »Ein Flügelschlag entpuppt meine Körper« de Barbara Tavella. La mostra jirà inant nchin ai 10.10., dal merdi nchin al vënderdi, 15:00–18:00 y de sada sun apunta­mënt (info@dorisghetta.com).
Atualmenter
Mostra Jeghes, Jech e Maravees te Museo Ladin
Fin ai 11 de otober te sala Heil­­mann del Museo Ladin de Fascia se pel veder la mostra ‘Jeghes, Jech e Mara­vees’ de la Majon di Fascegn, duc i dis fora che la sabeda da les 10:00 a les 12:00 e da les 15:00 a les 19:00.
Atualmenter
Mostra ‘La Mont’
La sociazion ‘La Voce delle Donne’ met fora na mostra coletiva de la artistes de Fascia e Fiem dedichèda a la mont e a sia jent, te sala Rovisi te Comun de Moena, fin ai 17 de setember da les 16:00 a les 19:00.
Atualmënter
Mostra de Guido Anton Muss
Tl salf dl Istitut Ladin a San Martin de Tor él da odëi cina ai 24 de setëmber la mostra »Operes« de Guido Anton Muss. La mostra é daverta vigni de dales 10:00 ales 12:00 y dales 15:00 ales 19:00. Organisaziun: Istitut Ladin y Museum Ladin.
Atualmenter
Oraries Museo Ladin de Fascia
L Museo Ladin de Fascia a Sèn Jan é avert amò anché, vender ai 8 e domenia ai 10 de setember da les 10:00 a les 12:00 e da les 15:00 a les 19:00. Info sul sit www.ist ladin.net, prenotazion al 0462 760182.
Atualmenter
Sezions Museo Ladin de Fascia
Amò pec dis per vijitèr la sezions sul teritorie del Museo che é avertes fin ai 10 de setem­ber. La Sia a Penia e l Molin a Pera da les 10:00 a les 12:00 e da les 16:00 a les 19:00. L Stont a Ciampedel, l Malghier a Pera e l Segat a Poza demò domesdì da les 16:00 a les 19:00. Info su www.istladin.net e prenotazion al 0462 760182.