La Usc di Ladins

Dotours
Dutor Gherdëina
L dutor de servisc da n sada ai 02.08. dala 08:00 daduman nchin la 08:00 daduman de n lunesc ai 04.08. ie l dutor Valentin Tröbinger de Sëlva, tel. 0471/773073 o l 335 684 4944. 
Doturs Val Badia 
Tla fin dl’edema di 2 y 3 d’agost, él en sorvisc ti comuns de Badia, Corvara y La Val le dotur Guido Caretta, Cal­fosch, tel. 0471/836870 o 380 616080. Ti comuns de Mareo y San Martin de Tor él en sorvisc le dotur Eduard Agrei­ter, San Martin, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 01.08. nchin n vënderdi ai 08.08. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres al 1. d’agost dales 19:00 al vën­dres ai 8 d’agost ales 19:00, é chëra da San Martin/Picolin, tel. 0474 523020.

Televijiun
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumë­nia dala 18:30 sun Alto Adige Tv; repliches nce online.
05.08.
FC Gherdëina – na storia de suzes
Dales 20:50 ca. Test y regia Simon Moroder, produziun Eu­gen Cela, a cura de Leo Senoner.
06.07.
Deboriada
Dales 20:50 ca. Test y regia Silvia Murer, produziun Pen­npro, a cura de Leo Senoner.
07.07.
Scenar
Dales 20:50 ca. Test y regia Sivia Murer, produziun Karbon­video, a cura de Leo Senoner.
Informazions plu menudes sun i programs de RAI La­dinia pón giaté sun www.raibz.rai.it .

Radio
01.08.
Luis Schenk, campion talian di 800 metri
Pra i Campiunac naziunei de sauté a Misano Adriatico ie Luis Schenk de S.Cristina ruvà prim. Ël nes conta coche ie nasciuda la pascion per l’atletica lesiera, si prima garejedes y coche l se à anjenià ca a fé pea la garejeda naziu­nela di »Master 35« y la sode­sfazion de avëi venciù pra i 800 metri. Trasmiscion de Stefano Zanotti.
03.08.
Willie Nelson ie mo for »on tour«
 Willie Nelson, ciantautor, poet cun la chitara, ativist am­bientalist, pionier dla cia­napia, rebél contra la finanza y lijënda for mo n vita ie for mo »on tour« y chël cun 92 ani. Ve nviei a fé pea deberieda cun me l viac de si vita, de si mujiga y a mparé a cunëscer n valguna stories che n stënta belau a crëier sce les ne fossa nia vëires. Trasmiscion de Georg Mussner.
05.08.
Ladinia Live – Plurilinguism
La sozieté se müda y tres deplü é i lingac che röia tla scora y scolina ladina. L’Ispeturia por le plurilinguism, Claudia Rubatscher, nes dá te chësc program n cheder dla situa­ziun linguistica tla scora ladina y ara alza fora ciönes che é les sfides y i proiec por ci che reverda le plurilinguism. N program de Sara Frenner.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
15.-16.08.
Jita de doi dis ntëur al Confinale
La Lia da Mont Gherdëina mët a jì chësta jita daujin ala grupa Ortler, dai 15 ai 16 de agost. L se trata de na jita mesanmënter ria. La curiera pëia via da Sëlva demez dala 05:30 y fërma damprò ora nchin a Urtijëi. Per se nuté su: whatsapp a Brigitte, 339/4629400 (dai 04 ai 07 de agost), scrijan l inuem y ulache n sënta su. Priesc per cumëm­bri: € 120,00 (viac y l durmì cun mesa pension).

Chino
Atualmenter
Al chino de Pardac
Doman, sabeda ai 2 de aost da les 21:15 l é »Una pallottola spuntata«, domenia ai 3 da les 21:15 l é »Follemente« al priesc de 3,50 euro, lunesc ai 4 da les 17:15 l é »Dragon trainer«, mercol ai 6 da les 21:15 l é »Quel pazzo venerdì, sempre più pazzo«, jebia ai 7 da les 17:00 l é »Jurassic world« che vegn moscià ence en vender ai 8 da les 21:15 per ingleis. Info su www.cinema predazzo.it
Atualmenter
Al chino de Tieser
Insnet, vender al prum de aost da les 21:15 l é »Tre ami­che«, sabeda ai 2 da les 21:15 l é »Jurassic world, la rinascita«, domenia ai 3 da les 17:15 l é »Lilo & Stitch« e da les 21:15 l é »Una pallottola spuntata« che vegn moscià ence lunesc ai 4 da les 21:15; mèrtesc ai 5 da les 21:15 l é »Unicorni« e jebia ai 7 da les 21:15 l é »F1«. Info su www.cinema tesero.com

Segres y Festes
09.- 10.08.
Festa da d’instà di Destudafuech de S. Cristina
I Destudafuech de S. Cristina mët a jì la festa da d’instà ai 9 y 10 de agost tl Zënter Iman a S. Cristina. La festa scumën­cia n sada dala 18:00. N du­mënia sunerà vel’grupa dala 10:00 inant y dala 16:00 saràl pona la defileda. L ne mancerà nia da maië y da bever.
01.08.
La Pli te taí cun musiga ladina te plaza
Incö vëndres al 1. de agost, dales 18:00 inant, él tl zënter da La Pli de Mareo la ker­messe culinara tradizionala »La Pli te taí«, acompagnada dal grup »Da piz a ciantun«. Dales 20:30 vára inant cun »Musiga ladina te plaza« cun i grups: Idemorvëia, Laura Willeit y Hubert Dorigatti, Hubert y Lucia, Ethnic Tech­niques, Anita Obwegs, The Zanzis y Alexander dal Plan cun band.
02. y 03.08.
»Pradel Cup« a San Martin
I jogn da San Martin inviëia düc canc en sabeda ai 2 d’agost dales 16:00 inant al »Pradel Cup« pro le ciamp dl sport a San Martin. Le grup se con­forta da fá festa adöm a os düc, Ossi de Lipo y DJ Robby. Por bëre y mangé vëgnel fistidié.
06.08.
Paisc en festa a San Ciascian
En mercui ai 6 d’agost dales 16:00 inant él tl zënter da San Ciascian le »Paisc en festa«, cun n marcé de produc d’arte­janat, animaziun por mituns y spezialités gastronomiches. Le domisdé vëgn abelí dai grups »Emily and Mattia« y »Vic & Daniel«. Da sëra sona »Louis & The Space Tra­vellers« y »The Jam’son«.

Temp Lede
Atualmënter
Chino per mutons
Tla biblioteca de San Durich a Urtijëi uniràl mustrà films per mutons:ans: uni lunesc (4. y 11.08.), dala 17:00. L prugram ie te bi­blioteca.
Atualmënter
Cumpré ite da sëira te Sëlva
La butëighes de Sëlva sarà daviertes de mierculdi sëira, dala 21:00 nchin la 22:30: ai 6 y 13 de agost.
Atualmenter
Circen Dolomites Festival
L é tacà ite la 6^ edizion del Circen Dolomites Festival con spetacoi sa mont e ti paijes duc i dis fin ai 3 de aost con l spetacol finèl a la Festa ta Mont. Chest an novitèdes con l Microcirco a Soraga. Dut l program su www.circen dolomitesfestival.com.
Uni lunesc
Kids Night – juesc y dever­timënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 25 de agost.
Uni mierculdi
Sëira de juesc cun la lia Trix
La lia Trix nvieia a de bela sëires de juesc da mëisa, uni mierculdi (nchin ai 13.08.) dala 19:30 inant sun la plaza dan la biblioteca Tresl Gruber a S. Cristina. L sarà da abiné velch per uniun:a!
01.08.
Le lüch te paisc
Incö vëndres al 1. d’agost pón incunté fora por le zënter da Corvara produturs dla valada che presënta sü produc y cun chi che n valgügn coghi arji­gna ca spezialités gastro­nomiches. La manifestaziun mët man dales 17:30. Al ne manciará nia musiga y ativités por mituns.
01.08.
VKE Fantasy Festival 2025
Ncuei, vënderdi ai 1. de agost mët l VKE Gherdëina a jì n domesdì de juesc y devertimënt sun Plaza de Chemun de Sëlva, dala 14:30 nchin la 18:30.
01. y 08.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres al 1. d’agost dales 16:00 ales 19:00 sön le lüch de Corcela, y en vëndres ai 8 d’agost dala medema ora sön le lüch »Tlò Plazores«.
02-03-08.
Festa ta Mont
En sabeda ai 2 e en domenia ai 3 de aost doi dis de festa te la Mont de Poza per endrez del Comitat che à endrezà da magnèr, musega, esposizions e devertiment per picoi e gregn.
03.05.
Stories de 15 menuc
Tla biblioteca de S. Durich a Urtijëi liej Emily dant na storia per per mutons, ncuei, 1. de agost dala 15:00.
03.08.
La Ila: De dl Movimënt
En domënia ai 3 de agost vë­gnel tigní le De dl Movi­mënt, tl parch dlungia la staziun a munt dl implant de Piz La Ila. Dales 10:30 inant sarál de vigni sort de anima­ziun por mituns: clowns, stri­nëc, musiga... y i mëndri pó ince se lascé depënje sö le müs.
03., 05., y 07.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
04.08.
Sönns tla natöra
En lönesc ai 4 d’agost pón tó pert a na sesciun de medita­ziun y relassamënt cun le sonn dl gong, püch sura la staziun a munt dl lift »La Crusc 1« a Badia. An s’incunta dales 11:00 a La Crusc, olache an pó ince ciamó se scrí ite.
04.08.
Tel cher de Penia
En lunesc ai 4 de aost secondo apuntament con Tel Cher de Penia con scomenz da les 20:00: se podarà jir fora per l zenter de paisc, scutèr muega e cercèr de bona magnadiva.
05.08.
Entorn Vich
En mèrtesc ai 5 de aost con scomenz da les 19:30 l Co­mitat manifestazions endreza Entorn Vich con musega, magnères tradizionèi, jeghes e devertiment.
05.08.
»Kids Day« a Al Plan
Vigni mertesc cina ai 26 d’agost (adinfora di 12.08.) vëgnel pité dales 14:00 ales 17:30 pro la »spiaggetta« a Al Plan n domisdé por i mituns cun de vigni sort de staziuns creatives, jüc cun l’ega y ince la poscibilité da se fá na roda cun le ciaval. Al é debann y an n’á nia bria da s’anunzié.
06.08.
La Val: imparé a conësce i stödafüch
I Stödafüch da La Val pîta la poscibilité da jí a ti ciaré a so magazin y descurí les mascins y i auti, en mercui ai 6 de agost dales 21:00 ales 22:00.
06.08.
Nos Ladins cun David
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 6 de agost él le cogo David che tëgn n curs da cujiné sön munt a San Ciascian. Iscriziuns on­line o ti ofizi turistics dl’Alta Badia.
06.08.
Golosando a Soraga
En mercol ai 6 de aost con scomenz da les 19:00 a Soraga te Pra del Preve l Comitat mani­festazion endreza Golo­sando con musega, da magnèr e esposizion de prodoc e mestieres.
07.08.
Calfosch: devertimënt por mituns
En jöbia ai 7 de agost dales 15:00 pó mitans y mituns da 3 a 12 agn passé n domisdé cun Matteo dl parch natural. An s’incunta dales 15:00 dlun­gia dlijia da La Ila. Iscriziuns online o ti ofizi turistics dl’Alta Badia. Al vëgn damané la presënza de n adult.
08.08.
La majera jufa dl mond
Ai 8 de agost dala 21:00 uniràl fat la majera jufa dl mond sun Pra da Nives te Sëlva.
08.08.
Le monn di fonguns
Sot al’iniziativa »Atira« vëgnel tigní en vëndres ai 8 d’agost na escurjiun olache an impara val’ deplü sön i fonguns, sciö­che an fej da i conësce fora, da i respeté y d’ater. An pëia ia cun Andrea dales 9:30, tl raiun artejanal da Corvara. Iscriziuns online o ti ofizi turistics.

Avisc
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
05.08.
Fashion Walk a Urtijëi
Tl raion da jì a pe de Urtijëi prejenterà la butëighes da tlo Sport Gardena, Rosa Marti­nez, Duca di San Giusto und Luis Trenker si colezions nueves, n merdi ai 5 de agost dala 21:00.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni muerculdi dala 15:00 nchin la 19:00.
Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
01.08.
Paroles che sona
Anché, vender al prum de aost da les 17:00 te Piaz Perle Alpine per endrez de la biblio­teca de Moena l é na scontrèda con l ensegnant e formator Giordano Reggè per n labora­torie per bec dai 3 egn en su per descorir l leam anter muse­ga, narazion e svilup cognitif.
01.08.
I Turchi a Moena
Anché, vender al prum de aost da les 17:00 al Palaz de la Magnifica Comunità de Fiem l é na conferenza de Fabio Chiocchetti sul toponim del cianton de Moena sot l profil storich e etnografich e su coche i mecanimes de la comunicazion condiziona la percezion de la realtà da man del publich.
01-02.08.
Fotografies de Vaia e raida tel bosch
Insnet, vender al prum de aost te piaz Marconi a Ciana­cei da les 21:00 per la rassegna ‘Orizzonti Alti’ l é na scon­trèda col fotograf Matteo de Mayda che conta con si retrac la conseguenzes sul bosch lascèdes dal tormen Vaia del 2018 e doman, sabeda ai 2 da les 9:30 raida tel bosch con n menatroes del Cai Sat Auta Fascia.
02.08.
Stefano Segreto a Vich
Per la rassegna de Ispirazions d’istà en sabeda ai 2 de aost da les 21:15 te Oratorie de Vich l é na scontrèda con Stefano Segreto che prejenta sie roman ‘Come una radice in terra arida’ su la vita de Gejù.
02.08.
Ujes averc a la caserma de Moena
En domenia ai 2 de aost dut l dì, con scomenz da les 11:00 se pel jir a veder la caserma de la Protezion zivila de Mo­ena con Crousc Checena, Studafech e Socors per co­gnoscer da vejin l mond del volontariat. L é percorsc e ativitèdes per bec con zeche da magnèr e da beiver.
04.08.
Mario Vielmo: 14 Otmile
En lunesc ai 4 de aost per la rassegna ‘Ad alta voce’ te piaz de Comun de Poza da les 21:15 l é la scontrèda con l al­pinist Mario Vielmo, un di pec a esser jit sun duc i 14 Otmile.
06.08.
Michil Costa a Moena
En mercol ai 6 de aost da les 17:30 te Piaz Perle Alpine a Moena per la rassegna Moena Incontri l é na scontrèda con l hotelier de la Val Badia Michil Costa che prejenta sie liber FuTurismo.
06.08.
La mont sacra con Camanni
En mercol ai 6 de aost da les 17:30 te piaz Marconi a Cia­nacei tel chèder de la rassegna de Ispirazions d’istà l é la scontrèda ‘La montagna sacra’ con l piscop de Trent Lauro Tisi e l scritor e alpinist Enrico Camanni.
07.08.
Campions te cèsa: Costazza e Gross
En jebia ai 7 de aost per la rassegna ‘Ad alta voce’ te piaz de Comun de Poza da les 21:15 te la scontrèda »Cam­pions gte cèsa« i doi campions de schi da Poza Chiara Cos­tazza e Stefano Gross i se pre­jenta e i rejona col publich.
07.08.
L docufilm ‘Il Nucleo’ a Cianacei
En jebia ai 7 de aost da les 21:00 te piaz Marconi a Cia­nacei per la rassegna Campo Base vegn prejentà ‘Il Nucleo’ l docufilm, del regist Andrea Selva, più aprjià al Trento Film Festival che conta del lurier del nucleo de elicoteres de Trent.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
03. – 17.08.
Marcé de benefiziënza a La Ila
Ai 03, 05, 08, 09, 10, y dai 12 ai 17 d’agost, tres dales 15:00 ales 19:00, vëgnel tigní tla Ciasa dla Cultura a La Ila n marcé de benefiziënza. Al vëgn venü cosses fates a man y patüc da mangé fat te ciasa. Döt por daidé na istituziun de benefiziënza tla diozeja de don Andrea tl’Uganda (che vëgn bele tröc agn a daidé fora te nostes cöres.
08.08.
Deberieda – Grilieda
N se anconta n vënderdi ai 8 de agost dala 12:00 dan la Cësa de Paussa a Urtijëi per fé na bela glilieda y maië n cumpanìa.«Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

Leteratura
Atualmënter
Incuntades cun l’autur tl’Alta Badia
Chisc é i proscims apunta­mënc: incö al 01.08. dales 18:00 cun Concita De Gre­gorio; ai 02.08. dales 21:00 cun Francesco Costa; ai 06.08. dales 21;00 cun Gino Cec­chettin; ai 07.08. dales 18:00 cun Beppe Severgnini. Tres tl salf dles manifestaziuns o sön paiun a Corvara.
06.08.
N liber – na mont: ancunteda cun l autëur Gino Cecchettin
Per la lingia dl’ ancuntedes cun i:la autëures iel n mier­culdi ai 6 de agost dala 17:30 a Urtijëi tla Cësa di Cungresc l’ancunteda cun Gino Cec­chettin, scritëur dl liber »Cara Giulia. Quello che ho imparato da mia figlia«.
08.08.
N liber – na mont: ancunteda cun l autëur Beppe Severgnini
Per la lingia dl’ ancuntedes cun i:la autëures iel n vënderdi ai 8 de agost dala 17:30 a Urtijëi tla Cësa di Cungresc l’ancunteda cun Beppe Sever­gnini, scritëur dl liber »Socra­te, Agata e il futuro. L’arte di invecchiare con filosofia«.
09.08.
N liber – na mont: ancunteda cun l autëur Maurizio De Giovanni
Per la lingia dl’ ancuntedes cun i:la autëures iel n sada ai 9 de agost dala 17:30 a Urtijëi tla Cësa di Cungresc l’ancun­teda cun Maurizio De Gio­vanni, scritëur dl liber »Il pappagallo muto«.

Mostres y Ert
Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MUSE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius–Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabo­razion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò domesdì, de sabeda serà.
Atualmënter
Formes y culëures
La mostra dl turnadëur An­dreas Senoner tl Tublà da Nives te Sëlva resterà davierta nchin ai 3 d’agost uni di ora che l lunesc, dala 16:00 ala 19:00. Merdi, mierculdi y vënderdi nce dala 20:00 ala 22:00.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contra­des y la manira da tigní tiers.
01.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 1. de agost dala 19:30 nchin la 22:00.

Mujiga
Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.
01. y 03.08.
»Magnificat« cianté y soné
Le Cor Kerygma cun la Or­chestra Val Badia y compagns inviëia dër bel a dui conzerc, olache al gnará porté dant le »Magnificat« de Kim André Arnesen. I apuntamënc é por incö vëndres al 1. d’agost dales 21:00 te dlijia de Badia y en domënia ai 3 d’agost dales 21:00, te dlijia d’Al Plan.
02.08.
Ousc n coro per la pesc
Sabeda 2 de agost, da le 20:45, nte gliejia da La Plié se tignarà l conzert »Ousc n coro per la pesc« co la partecipazion del Coro de le Ële Col de Lana e l Coro Cadore co la sezion de le ële ensegnada via da Gino Victor Ruoso.
02-03.08.
Mar Grimalt a Panorama Music
Per Fascia Panorama Music en sabeda ai 2 de aost da les 21:30 a La Grenz a Moena l é l conzert de la catalana Mar Grimalt con Carles Medina Estelrich. En domenia ai 3 la ciantarà da les 11:30 sun Ciampac.
03.08.
Musega d’Irlanda a Soraga
En domenia ai 3 de aost a La Gran Ciasa a Soraga da les 21:15 »Mystic Owls«, musega folk da l’Irlanda con Alessia Taddei a la chitara e Vanessa Bresadola a la vidola.
03.08.
Cianté y soné sön munt
L’iniziativa dl »Cianté y soné sön munt« tl’Alta Badia vá inant. Pro la Ütia da Rît él da aldí en domënia ai 3 d’agost dales 13:30 inant le grup »Menglstuadl Musig«.
03.08.
Gran festa cun i guanc dala Gherdëina
N dumënia ai 3 de agost dala 11:00 inant saràl te Sëlva la gran defileda tradiziunela »Gröden in Tracht«.
04.08.
Bal populer a Urtijëi
I balarins y la balarines dla Grupa Bal Populer de Urtijëi balerà ai 4 de agost dala 21:00 tl zënter de Urtijëi.
05.08.
Brundibàr, lirica te Navalge
En mèrtesc ai 5 de aost te teater de Navalge da les 21:00 vegn portà dant l’opera ‘Brun­dibàr’ scrita endèna i egn de la Seconda Vera e inter­pretèda dai joegn de la scola interre­gionèla ‘Le Muse e le Dolo­miti’ con la Maestra Oda Zoe Hochscheid.
05.08.
Cunzert »Kaiserliche Virtuosen«
L Ensemble renumà »La flo­rida Capella« fajerà n cunzert tla dlieja de Sëlva, n merdi ai 5 de agost dala 21:00 inant.
06.08.
Cunzert dla Mujiga de S. Cristina
La Mujiga de S. Cristina su­nerà ai 6 de agost dala 21:00 inant tl Zënter Iman te S. Cristina.
06.08.
Bal populer a Urtijëi
I balarins y la balarines dla Grupa Bal Populer de Urtijëi balerà ai 6 de agost dala 21:00 tl zënter de Urtijëi.
07.08.
Cunzert dla Mujiga da Bula
La Mujiga da Bula sunerà ai 7 de agost dala 21:00 inant sun plaza de dlieja a Urtijëi.
07.08.
Cunzert dla Mujiga de San Martin de Tor
La Mujiga de San Martin de Tor sunerà ai 7 de agost dala 21:00 inant sun Plaza de Che­mun te Sëlva.
07.08.
Movimënt Sunrise Concert
En jöbia ai 7 d’agost él sön Piz La Ila n conzert tratan le lové dl sorëdl, cun le vidorist Andrea Casta y le grup »Aurela Cörta«. An pó rové sö cun l’implant dales 5:45 ales 6:15 y do le conzert pón gosté tla ütia Club Moritzino. Les cher­tes é da cumpré online sön www.dolomitisuperski.com
07.08.
Conzert dla Musiga da La Val
En jöbia ai 7 d’agost dales 21:00, sön paiun da La Pli de Mareo.
08.08.
Conzert dla Musiga da Rina
En vëndres ai 8 d’agost dales 21:00, sön paiun d’Al Plan
10.08.
Bal populer te Sëlva
I balarins y la balarines dla Grupa Bal Populer de Urtijëi balerà ai 10 de agost dala 21:00 sun Plaza Nives te Sëlva.

Religion
06.08.
Pelegrinaje del Tabor sa Sènt’Ugèna
En mercol ai 6 de aost la pa­rochia endreza la ‘Camminata del Tabor’ da la gejia de Sèn Jan fin sa Sènt’Ugèna. Se se troa tedan la Calonia de Sèn Jan da les 21:00.