La Usc di Ladins

»Tat tvam asi« é le titul dla pröma mostra dl artist da Gherdëna Michael Riffeser, che á metü fora tl salf dl Istitut Ladin Micurá de Rü sües operes te na mostra individuala. I chedri cun tecnica moscedada descür paesaji naturai y introspetifs che se coliëia ala filosofia orientala, mo ne lascia nia da cunté dl prozes creatif personal dl artist. 
»Al é tres le ciaré itepert che i tolun cosciënza de nosta natöra. Ara se coliëia a döt ci che é incër nos ia. Chël che i odun da defora n’é nia d’ater co ci che i un daite: döt é colié y i sun döt un; chësc é ci che le titul dla mostra dij«, cunta l’artist Michael Riffeser.

Dan otedé s’ál desfiré la daurida dla mostra cun acompagnamënt musical y pice renfrësch. Chësta romagnará daverta al publich cina ai 26 de messé.


Deplü da lí ciafëise tla ediziun nöia de chësc vëndres, ai 17 de messé!