La Usc di Ladins

La cognoscenza l é la pruma mesura de segureza. L é emportant aer consaputa de la condizions e di limic de ogneun per poder se miorèr de la oportunitèdes che nosc ambient a l'auta ne sporc e ge fèr front a raides e momenc de spas, schivan vigni risech. Ence la SAT vèrda de portèr inant scomenzadives che fae informazion e sporje consees e didament per la sanità sa mont e i trei Gropes da mont de Fascia, sezions Cai Sat de la Val de sora, Val de sot e Moena i se à metù a la leta ence enstadì. Na scomenzadiva emportanta per la sanità sa mont l é i 'Dis de la Ipertenscion de la arteries ti refuges', nasciui en colaborazion con la Comiscion Medica Zentrèla del CAI. La SAT, con sia Comiscion Medica che à a cef l dotor Roberto Tozzi e la tol ite ence Alessandra Baldi del Grop da Mont de la Val de sot, à volù tor pèrt a chesta scomenzadiva, che chest an l'à abù desche prum teater apontin Fascia, ai 4 de messèl aló dal Refuge Vajolet, ence en colaborazion con la Crousc Checena de Fascia.

Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)





 (Lucia Gross)