La Usc di Ladins

Bun de Ivonne, poste te presenté en cört ai leturs?
»Bun de! I sun Ivonne Craffonara, i à 27 agn, i sun da San Ciascian, studënta d'architetöra a Firenze.«

Ciodí aste pa chirí fora Firenze?
»Dijun ma che i á chirí fora tres esclujiun, i orô studié tla Talia y i ne orô nia jí massa dalunc. Porchël foss stades les opziuns dles cités che ofrî le curs de laurea che iö orô fá Milan, Aunejia y Firenze. Milan me savô massa grana y Aunejia é dër na bela cité mo da vire ne me savôra nia adeguada, porchël ái chirí fora Firenze y i la chiriss ciamó fora mile iadi. Al é na cité dla mosöra ideala olache an se vir saurí y indlunch olache an vá él val' de bel da odëi. I á la fortüna da avëi l'univeristé y l'apartamënt tl zënter storich y deache al é na cité dër turistica me sál bel, che canche an roda fora por les vies áldon baian vigni lingaz.«

Ci post, de chësta bela cité dl'ert, aconsiëieste pa da vijité a chi che n'é mai ciamó stá?
»I á vit i ultimi 3 agn a Firenze y i ti aconsiass da jí sön Piazzale Michelangelo a se gode le jí jö de sorëdl cun na bona bira. Dailó él gonot artisć de strada che sona y an á na bela odüda sön la cité.«

Deplù te la edizion dl 15 de mei