La Usc di Ladins

Alex, poste te presenté?
Alex: I sun Alex Rudiferia, i á 36 agn, i sun da San Ciascian y i viri a Badia. Da 17 agn incá laori tl ofize aministraziun dl'As­soziaziun Turistica, che é cun le 1.de merz deventada So­zieté Cooperativa Turistica Alta Badia.

17 agn é tröc. Co s'á pa mudé le laur intratan?
I pröms agn messâi tigní döes contabilités, sides por l'AT de Badia co por le Consorz Turistich. Spo él gnü metü sö l'ATAB y, al post dl Consorz, ABB; sëgn ái ma plü na contabilité sora. Ince la tecno­logia á fat de gran vari inant: sce an messâ tl pröm ciamó se fá tröp instësc y a man, vára sëgn plü saurí cun l'aiüt de softwares y programs.

Te dijes che te vires a San Ciascian, mo nia plü por cis di...
Avisa, deache i á albü la poscibilité da me cumpré n apartamënt a La Ila y danter chësc isté gnarái chiló vire adöm cun mia com­pagna. I ún albü fortüna, deache tl Comun de Badia ne á i jogn nia tröpes poscibilités da se fá sö o cumpré na ciasa. Tröc é sforzá da jí foradecá y chësc n'essi nia orü. (Intervista: Katia Pizzinini)

De plu tla edizion stampeda de La Usc di Ladins o sun l e-paper a paiament www.lausc.it/e-paper