La Usc di Ladins

Riesc daduman ai 13 de fauré ie l Aiut Alpin Dolomites unì cherdà per n ntervënt a S. Cristina, ulache n jëunn se ova fat mel a na giama y à batù l cë. Do la prima cures àn menà l jëunn cun l joler a Persenon te spedel. Do marënda à la zentrela cherdà aiut per n jëunn che fova tumà tl snowpark a Colfosch. Do ti avëi dat zeche contra l gran mel al spinel, iel unì ciarià y menà cun l joler tl spedel de Bulsan.
Curt do iel mo stat da julé sun Mont de Sëuc, daujin al mplant Monte Piz. Tuman cun i schi se ova n ël nglëisc trat na sciabla ora de luegia. Do la cura contra l mel iesen julei limpea a Persenon te spedel.
L ultim ntervënt dl di ie stat dala 9 das ëira per na emergënza sanitera sa Sacun. Do la cures dl dutor iesen julei a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper