Vender. La Luna cresc. La é descendenta.
Aon fenì su coscì coche scomenzon e donca l é Scorpion, segn de èga, foa e carboidrac. Orghegn genitèi de omegn e femenes tant daite che de fora é enteressé, valif vèl per i ureteres e la pèrt bassa del sistem digerent. Ence i nerves é enteressé. Dapodò, ajache i detaes de che fèr te chest segn i aede lec la setemèna passèda, me n emprevèle per ve ensegnèr co fèr a solarisèr chesta famousa èghes che vèlch outa ve consee de beiver. Partion col meter dant che bensegur aer n strument profescionèl per fèr cromoterapia fossa l mascim e che l resultat no l é proprio valif patoch a se rangèr con chel che se pel te cèsa, ma ajache nosc organism e ogne cossa su la tera reagesc semper e istesc a la lum e al color, ence fèr cromoterapia
con struments più scempies e domestics pel dèr sie bogn resultac. Chel che serf l é tant per scomenzèr na font de lum. L soreie fossa l mior strument, ma se l mencia va ben ence na lampada da poder orientèr coche se vel (donca i peires de la lum sun cilor no i va ben). Dapodò serf zeche da color che sie trasparent e no porous del color che durède. (A cura de Gladia Debertol
gladialuna@yahoo.it)
De plu tla edizion stampeda de La Usc di Ladins o sun l e-paper a paiament www.lausc.it/e-paper