La Usc di Ladins

Roberto, podësseto n curt te prejenté?
Me clame Roberto De Lazzer  e è 57 agn. I miei i eva da La Rocia, ma son rué a Reba ntel ’73, ulache ncora vive auna a mia fameia, spo pos dì de me sentì fodom. Mia fëmena se clama Luciana e on na fia, Jessica, che ades fesc le scole aute. Son mpermò jù n penscion, davò avei laoré n valgun agn co la firma edile de mio pere e 25 agn pro i servisc forestai. Vigni inviern, nveze, l è tres passé sui schi.

Ncan asto scomencé tua cariera ntel mond del schi?
È fat l cors maestri del ’88 e è delongo scomencé a nsigné. Puoch davò m’é sté dé l’oportunité de ciapé a mán la scuadra del Sci Club Arabba: l eva un de miei plu gragn obietifs, ajache fin ai 18 agn eve tres fat l atlet. Zerto, ntel scomencé, n frëgo me la vedëve: sonve trop joven e è eve da sté davò a na mascia de tosac… mpò, co l é la fin, mosse dì che l’é juda saurì. È po sceguité a alené la scuadra agonistica fin al 2017; da ilò nnavánt, nveze, me focaliseie demè su la scuadra del preagonism. (Ntervista de Milly Crepaz per l Istitut Ladin Cesa de Jan)

De plu tla edizion stampeda de La Usc di Ladins o sun l e-paper a paiament www.lausc.it/e-paper