Ai 18 de jené ie l’ambulanza ruveda adalerch tla sënta cun na turista che ne se n stajova nia bën – do la valutazion dl dutor la àn meneda cun l joler tl spedel de Bulsan.
Puech dan la 13:00 à la zentrela de Belun damandà do l joler a La Plì de Fedom, per n scoaciamin sautà ju da n tët. Do la valutazion da pert dl dutor àn ciarià l ël tl joler y ie julei limpea tl spedel de Bulsan.
Riesc do iesen julei te Sëlva per na emergënza sanitera de n ël dl luech, che n à ciarià y menà tl spedel de Bulsan. Tl medemo spedel àn menà n ël nglëisc che ova n trauma al cë do vester tumà cun i schi sun l Bufaure.
A San Ciascian se ova n pitl mut de n ann brujà la man; cun l aiut dla Crëusc Blancia àl giapà la prima cures y ie pona unì menà cun l joler a Bulsan.
Daldò iel mo stat da julé a Mazin–Ciampestrin ulache n’ëila jëuna ova problems ala zirculazion. N ie julei limpea tl spedel de Bulsan.
Ai 19 de jené à la zentrela de Bulsan mandà l joler a Corvara sun l purtoi Arlara, per n’ëila che se ova rot l os dla giama. N ie julei limpea tl spedel de Burnech.
Do marënda iesen pona julei Pana, ulache na muta de 8 ani se ova rot na giama tuman cun i schi. Ëila àn menà tl spedel de Persenon, ulache n à menà nce n’ëila cun na giama rota che n fova jic a ciarië dala 13:10 sun Plan de Gralba.
Ntëur la 18:00 à la Crëusc Blancia menà adalerch n’ëila cun n trauma al piet. N la à sëurantëuta y ie julei limpea tl spedel de Persenon.
Nutizies dal Aiut Alpin Dolomites
Galaria retrac
View the embedded image gallery online at:
https://www.lausc.it/spezial/26272-nutizies-dal-aiut-alpin-dolomites#sigProIdd294a47eaf
https://www.lausc.it/spezial/26272-nutizies-dal-aiut-alpin-dolomites#sigProIdd294a47eaf