La Usc di Ladins

Gianvito, poste te prejenté en cört?
I á ennom Gianvito Coco y vëgni da Catania, de mistier sunse foto­graf y tosc complësci 40 agn.

Ci t’á pa porté da te trasferí dala Sicilia cina te Südtirol?
Al é 10 agn ch’i sun tló y roé sunse por cajo. Pordërt essi mossü jí en isté tal Egit. Do ch’i â laoré agn a Catania pa en stüde da fotograf, sunse jü London, olache i á endere ciafé na realté massa grana; i stontâ ince cole lingaz y ne ciafâ nia saorí da laur. I fajea bën d’atri laurs, mo iu orea fá le fotograf. En de grisc y da plöia êi sonté dan le Tower Bridge, olache al ea tres endô jont co mo damanâ da i fá na foto, spo m’él jü sö na löm y i á ponsé da mené mio curriculum. Ensciö sunse roé a Al Plan, a laoré por les scores de schi.

Da 5 agn encá vireste döt l’ann tló. Co é pa sté l’impat?
Da laoré con les scores de schi empareste da conësce i maestri, y ensciö ince la vita soziala dal paisc. Trec é ince scialdi de mia eté, porchël m’ái integré valgamia saorí. I vá en iade al’edema a soghé a calceto, i feji tennis y vá a festes. Cole fat che i cunti con mies fotografies trec ave­nimonc dal paisc, röun ince ete tla comunité. Tló sunse tla Ladinia, al é en gröm de tradi­ziuns y al é bel sce ares vën tigni­des. Sce an röa t’en post, él dërt sce an les conësc y ares se mirita respet. (Intervista: Pablo Palfrader)

De plu tla edizion stampeda de La Usc di Ladins o sun l e-paper a paiament www.lausc.it/e-paper