La Usc di Ladins

Podesste pa en cört te prejenté ai leturs?
I sun Georg Frenner d’Al Plan. Da canche i á 21 agn sunse paur dal Lü de Pincia. I á fat en stüde d’agricoltöra a Viena y spo ái atira metü man da laoré söle lü. Denant êl tló mia mëda y en fant co menâ ennant y iu daidâ ma dles vacanzes. Canch’i á roé le stüde, mo sunse trasferí söle lü y chël é ince sté l’ann ch’i m’á maridé. Encö portunse ennant le lü cola familia.

É pa sté le laur da paur na cossa naturala, o esseste albü la idea da fá val’ d’ater?
Belo tla mesana âi cösta idea tal ce. I abitân sö Al Plan y d’isté gnênse vigne de a se do le lat y a daidé sié ete le fën. Mia pasciun é tres stada chëra da romagner en bel de sön cösc lü. Mio tata mo dijea belo laota: ma cole lü ne vára nia da vire. Enló m’él gnü l’idea da stüdié agricoltöra y do le stüde ince mëter man da ensigné. A Dietenheim ánse na scora agrara por jogn co ó gní paurs y enló ái ensigné za. 20 agn. Tla finada ái messü tó na dezijiun: o önn o l’ater. I sun romagnü ma plü söle lü y i án daorí na secunda ativité, con na picia botëga olache i venun nüsc produc.

De plu tla edizion stampeda de La Usc di Ladins o sun l e-paper a paiament www.lausc.it/e-paper