La Usc di Ladins

Ai 8 de setëmber àn cherdà l joler per n’emergënza sanitera tla Val Badia. Do na prima valutazion àn tëut la dezijion de no la mené te spedel, ajache la ti jiva bele miec.
Ai 9 de setëmber iel stat n ntervënt saniter tla Val Badia. Plu tert iesen julei sun Col Rodella per n jëunn che fova tumà ju curt do vester pià via cun l parapënd. L se ova fat mel al spinel y n à perchël tëut la dezijion de l mené tl spedel de Trënt.
Daldò ie n’ëila de 40 ani tumeda sun l troi dala rodes che va da Dantercëpies nchin sul jëuf de Frea. La se à fat mel al cë y al brac. Do la prima cures l’àn ciarieda tl joler y meneda tl spedel de Bulsan.
Ai 10 de setëmber ie l prim ntervënt stat a Urtijëi per n’ëila che ne stajova nia bën. Davia che l fova scialdi da nibl àn menà l dutor y sucoridëur cun l auto pra la pazienta, ulache n ti à fat la prima cures deberieda cun la Crëusc Cuecena, che à pona ciarià la pazienta tl’am­bulanza y meneda te spedel a Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper