La Usc di Ladins

La é ben raprejentèda ence Fascia con si atlec de schi under 14 e 16 a la garejèdes del Trofeo Cassa Rurèla Vallagarina che à valuta per la selezions per meter ensema l team che defenarà i colores de la Tèlia a l’Alpe Cimbra FIS Children Cup. L responsabol del setor children Michele Bertoldi, ensema al responsabol del setor del schi alpin Marco Peterlini, aldò di resultac vadagné te la doi competizions intercircoscrizionèles de en sabeda e domenia passèda a Folgaria, dò aer valutà i ponc, i à metù ensema la squadra e convocà 42 schiadores (13 ragazzi, 13 allievi, 8 ragazze e 8 allieve).

La garejèdes del Trofeo Cassa Rurèla Vallagarina sarà en lunesc ai 27 de jené (slalom lèrch per i ragazzi sul portoi Agonistica e slalom strent allievi sul portoi Martinella Nord) e en mèrtesc ai 28 de jené (slalom lèrch allievi sul portoi Agonistica e slalom strent ragazzi sul portoi Martinella Nord).  

Chisc i convoché de la sociazions sportives e Ski College de Fascia.

Ragazzi de eles: Nicole Mattioli e Giulia Bonelli, duta does del FassActive.

Ragazzi de ic: Federico Fontana, Edoardo Valt e Luca Zanoner de la Monti Pallidi, Leonardo Farina del Ski Team Fascia.

Allievi de eles: Carlotta Andreazza del Val de Fiem Ski Team e Ski College de Fascia e Asia Carpano del Ski Team Fascia e Ski College.

Allievi de ic: Andrea Zanol del Val de Fiem ST e Andrea Dellantonio del Ski Team Fascia, duc doi del Ski College.

A chisc atlec ge fajon i augures e ge dijon »te la gramoles del louf«! 


 (mci)