La Usc di Ladins

L prum de firé sun Ciareja l’é stat metù a jir l Carezza Trophy - Alpine Ski Touring Race, na garejèda de schi da mont de net sui portoes del Jouf de Mont de Vich, ruèda a la 9^ edizion.

I atlec se à endesfidà sun doi percorsc, l prum demò en su da Malga Frommer al Refuge Coronele (600 metres de deslivel), l secondo più lonch e empegnatif con 1.200 metres de deslivel da Malga Frommer a la stazion a mont de la sentadoa Laurin 3, en ju fin a l’hotel Moseralm e da nef en su a la stazion a mont de la sentadoa Tschein, con retorn a la Frommer e erta finèla fin al Refuge Coronele.

A tor pèrt a chesta competizion l’é stat ence n muie de atlec fascegn e ladins o che fèsc pèrt de sozietèdes de la Ladinia, vedon coche la é jita.

De più con i piazamenc di atlec ladins su La Usc stasmpèda de vender ai 7 de firé.  (cri.m)