Setemèna no positiva per l Fascia Balon, che dò esser jit fora da la Copa Provinzia contra la Dolomitica per aer perdù 1 a 0, no l’é stat bon de venjer la partida de campionat, semper contra la Dolomitica.
La endesfida la é ence scomenzèda ben per i joegn fascegn, che i à comanà l jech per n bon toch de la pruma pèrt, mingol a l’outa però i pardacegn à ciapà semper più ciamp fin canche i é passé en vantac con n gol fortunà a 5 menuc da la fin del prum temp.
Te la seconda pèrt i fascegn à proà a se fèr veder, zenza però creèr ocajions da gol. Col passèr di menuc la prescion di fascegn é vegnuda semper più fiegola e i pardacegn à podù segnèr l secondo gol. I fascegn à proà a rebaltèr la partida con n pèr de trates parèdes dal portier aversarie e se no fossa assà l’é ruà ence n remenat aut da man de Patrizio Deville co na trata da cet. No ge volea per l Fascia che ades l se troa junsom la classifica a l’ultim post, ma l proarà a miorèr la burta posizion en domenia contra l Molveno a Molveno a mesa les 4.
De più su la squadra mendres su La Usc 38 di 25 de setember (Pierpaolo Rasom)
Nia da fèr per l Fascia Balon
La squadra fascèna à perdù contra la Dolomitica e ades la é ultima de la classifica
Galaria retrac
View the embedded image gallery online at:
https://www.lausc.it/sport/13588-nia-da-fer-per-l-fascia-balon#sigProIdc0ae1a8dee
https://www.lausc.it/sport/13588-nia-da-fer-per-l-fascia-balon#sigProIdc0ae1a8dee