L’aea 4 egn, con sia familia l’era al mèr a Cattolica e i l’à portà su la pista per minimoto, una de cheles olache scomenza i campions.
L père Claudio, da semper pascionà de moto, l’é amò jit en pista ma demò da gran, a livel amatorièl, ajache n’outa segur chiò da nos n bez no podea nience pissèr che a cèsa i ge compre na moto e i lo mene stroz a fèr alenamenc e gares. Canche l’à vedù che Diego à rità sia medema gaissa per chest mond, l’à venù sia moto e l’à tacà a compagnèr l fi sul troi de l’agonism.
»Dant
View the embedded image gallery online at:
https://www.lausc.it/sport/15866-diego-su-la-rodenes-de-quartararo#sigProId2c6ef1c34d
https://www.lausc.it/sport/15866-diego-su-la-rodenes-de-quartararo#sigProId2c6ef1c34d
Diego l’à tacà a fèr garejèdes de 8 egn con na moto automatica e l’an dò l’é ruà 4° tel campionat. Dò l’é passà de categoria e con la 110 a marces l’é ruà ti prumes 10. Dapò l’é passà a la 160 e te la finèla a Franciacorta l’à mencià per pech l podie, ruan al 4° post.
Chest an con la Ovale GP2 da 12 pollici Diego l’à tacà te la Copa Tèlia categoria Junior e l scomenz l’é stat dassen da marevea, ajache te la pruma garejèda stata de mé a Adria l’é ruà sobito sul podie se vadagnan l secondo post. Ades l’é en program na garejèda ogne meis, ai 6 de jugn la sarà a Ortona, te l’Abruzzo e en ultima vegnarà fat la media di ponts e chest scomenz fèsc sperèr dassen ben.
De più sun Diego e sia pascion per la moto da strèda su La Usc stampèda de en vender ai 28 de mé del 2021. (Lucia Gross)