En domenia prum de aost l'é stat a Taibon Agordino n'autra garejada de roda da mont, olache à tout part ence la atleta de la 3Esse de Soraga Giorgia Ciocca.
Sot na forta pievia endana l domesdì noscia atleta fasciana é stata bona de se menar a ciasa l prum post, stajan tedant da sobito e conferman so bon moment de forma.
La setemana dò l'é stat doi dis de garejade belebon senestre a Perjen. Trei l’é stat i atlec fascegn a tor part a l'event: Nathan Ciocca (categoria Esordienti1), Sophie Tallandier (G6) e Giorgia Ciocca (G5).
En sabeda l'é stat la garejada par Nathan che al »Parco Tre Castagni« l'é stat bon de menar a ciasa n bon 24° post, dò na gran fadia su n percors belebon senester e sfadious.
L dì dò l'é stat la outa de Giorgia e Sophie. Dute doi le à fat na bona partenza, ma a cajon de valch crodada Giorgia la é ruada al 4° post e Sophie al 11°.
De più su La Usc stampèda de vender ai 13 de aost. (Gloria)
Giorgia amò al prum post
La joena atleta de la 3Esse de Soraga à vent te soa categoria a Taibon Agordin. Trei joegn de la sozietà fasciana en gara ence a Perjen.
Galaria retrac
View the embedded image gallery online at:
https://www.lausc.it/sport/16727-giorgia-amo-al-prum-post#sigProIdfb8851198f
https://www.lausc.it/sport/16727-giorgia-amo-al-prum-post#sigProIdfb8851198f
