La Usc di Ladins

La ultima findledema, dal vëndres ala domënia, él sté sön le Gitschberg, sön la Plose y sön Seis deplü gares provinziales por les categories »Jonins U14« y »Aliefs U16«. Por trames les categories él sté n SuperG, n slalom lerch y n slalom strënt. Les atletes y i atlec ladins se á indô alzé fora y á fat de bugn resultac. De aurí sarál ciamó döes gares raionales; la finala regionala gnará desfirada sön la pista Pre da Peres te Mareo.

René sön le scalin plü alt. Arjënt y brom por Rita
Le vëndres ai 11 de merz á i »Aliefs« garejé te n SuperG sön la pista Gitsch-Breiteben sön le Gitschberg, sura Maransen. Merdaia d'arjënt por Rita Granruaz y 4. post por Annika Rose Johansson dl Ski Team Alta Badia. Lisa Mahlknecht y Julia Franzoni dl SC Gherdëina é rovades al 14. y 15. post. Tla categoria maschila é David Castlunger (ST Alta Badia) rové 5., so compagn de scuadra Alberto Davaraé 15. Dl SC Gherdëina é Mike Rifesser rové 7. y René Linder 8. Inant éra jüda por i U16 la sabeda sön la Plose, oalche ai se á mosoré te n slalom strënt. Chiló ti éra garatada a Annika Rose Johansson y a David Thaler dl ST Alta Badia da rové sön le podest, trami se á plazé al secundo post. Medaia de brom por l'atlet badiot David Castlunger. I atlec de Gherdëna René Linder y Mike Rifesser s'á plazé al 4. y 5. post. L'ultima gara dla findledema por i "Aliefs" é spo stada n slalom lerch sön Seis. Podest ladin tla categoria maschila, oalche René Linder de Gherdëna é rové pröm y Alberto Davare dl ST Alta Badia s'á plazé al 3. post. 8. plazamënt por Mike Rifesser dl SC Gherdëna y 14. post por David Thaler dl ST Alta Badia. Tla categoria feminila é rovada sön le podest Rita Granruaz, che á davagné la medaia de brom. 5. Annika Rose Johansson. Julia Franzoni é rovada 13 y Lisa Mahlknecht 16.

Giacomo dui iadi secundo. Or por Luca
La findledema de gares por la categoria »Jonins – U14« á scomencé le vëndres ai 11 de merz sön Seis olache al é gnü organisé n slalom lech te chël che al s'á alzé fora l'atlet dl ST Alta Badia Giacomo Ploner, che s'á plazé al 2. post; sües compagnes de scuadra Lena Sottara y Emma Pezzedi é rovades 11. y 12. De bugn plazamënc ince por i atlec dl SC Gherdëina: Manuel Senoner 5., Luisi Plancker 6., Christian Kostner 7., Florian Schmalzl 13. y Matthias Mahlknecht 15.
Le de do é spo i »Jonins« jüs inant sön le Gitschberg, oalche ai se á mosoré te n SuperG. Ciamó n iade é Giacomo Ploner rové sön le podest, se plazan indô al secundo post. 6. plazamënt por Luca Dal Pont y 12. post por Lena Sottara dl ST Alta Badia. Dl SC Gherdëina é Arianna Putzer rovada 6., Matthias Mahlknecht 7., y Florian Schmalzl 9. Inant éra jüda ince ciamó la domënia cun n slalom strënt sön la Plose. Chiló é Luca Dal Pont sté le plü asvelt, rovan sön le scalin plü alt dl podest. Secundo post por l'atlet de Gherdëna Christian Kostner. Ince Arianna Putzer á davagné la medaia d'arjënt tla categoria feminila. Dl SC Gherdëna é Luisi Plancker rové 4., Florian Schmalzl 6. y Matthias Mahlknecht 10. Emma Pezzedi dl ST Alta Badia s'á plazé al 13. post.   (kp)