La Usc di Ladins

Apresciapüch 30 sogadus á tut pert al »Pension Erica Golf Cup«, torné metü da jí dala familia Di Berardino da Calfosch la domënia ai 10 de messé, che á albü n gran suzes. Le torné á metü man dales 10.30 y se á desfiré tres nü büjes. Al ê la pröma competiziun dla sajun y le ciamp ê te de bunes condiziuns por via dl gran laur che é gnü fat tratan les ultimes edemes. Do la gara á i partezipanc podü se senté jö pro na buna marëna y la premiaziun.

I resultac
Categoria »Lordo«: 1. Christian Alton (14 punc), 2. Peter Pescollderungg ala per cun Diego Carron (13 punc).
»Netto« 1. categoria: 1. Nicoló Bagna (18 punc), 2. Günther Pescosta (18 punc), 3. Christian Alton y Elvis Pinter (16 punc).
»Netto« 2. categoria: 1. Hanspeter Pitscheider (20 punc), 2. Renate Pescosta (19 punc), 3. Michele Di Berardino, Carlo Mori, Mattia Davare (18punc).

Les classifiches pon ince odëi sön la plata internet dl Golf Club Alta Badia. Le proscim torné é sön le program ai 23 de messé.  (Mattia Davare)