Trofeo Ladin, la ladines va su la giacia

Data

25 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Fascia, Gherdena e Cortina se à trat ite i feres per l tornoi che met ensema sport e ladinità.


En vender ai 19 de aost l é scomenzà ence per l Fascia Falcons la V^ edizion del Trofeo Ladin Elite, manifestazion sportiva de hockey che da vèlch an segna la ‘preseason’ de noscia squadres ladines, che pel meter mingol de bensina te la giames en vista de l’emportanta sajon de Alps Hockey League.

L tornoi l era ja scomenzà ai 8 de aost canche al Olimpich de Ampez se aea jià la pruma endesfida da peconc anter Cortina e Gherdena (venta dai ampezegn per 5 a 3). La doi squadres se à amò scontrà al Pranives de Selva per l’endesfida de retorn (venta amò dal Cortina 3 a 2 do na parità ti tempes regolamentères) e en vender ai 19 l é stat l’outa ence di Falcons che à scomenzà sia ‘preseason’ de contra al Gherdena. Do aer vent per 6 a 1 ta Dèlba, i fascegn se à lascià fèr sora al Pranives per 5 a 0.
Ades a jir inant sarà la squadres de Fascia e Cortina che les jiarà dant al Olimpich ai 30 de aost e dapodò amò al Scola ai 2 de setember, canche se dezidarà la classifica finèla.

De più su La Usc stampèda de vender ai 26 de aost.  (Daniele Verra)